బషీర్బాగ్, వెలుగు: 1908లో మూసీలో వరదలు వచ్చిన సమయంలో చింతచెట్టు 150 మంది ప్రాణాలను కాపాడిందని, ఆ స్మృతులు ఐఖ్యతకు చిహ్నంగా చారిత్రాత్మకంగా నిలిచిపోతాయని ఫోరం ఫర్ బెటర్ హైదరాబాద్ అధ్యక్షుడు వేదకుమార్ మణికొండ అన్నారు. గురువారం ఫోరం ఫర్ బెటర్ హైదరాబాద్ ఆధ్వర్యంలో సెంటర్ ఫర్ డెక్కన్ స్టడీస్, పౌర సమాజ సంస్థల సహకారంతో అప్జల్ గంజ్లోని ఉస్మానియా హాస్పిటల్ ఆవరణలోని చింతచెట్టు ప్రాణధాత్రి వద్ద వార్షిక జ్ఞాపక- ఐక్యత సభను నిర్వహించారు.
ఈ సందర్భంగా ఆయన మాట్లాడుతూ.. వరదల సమయంలో 150 మందికి ప్రాణం పోసిన ఈ చెట్టును స్మరించుకోవడం గొప్ప విషయమన్నారు. 2008లో ప్రారంభమైన జ్ఞాపక సభ, ప్రతి ఏటా నిర్వహిస్తున్నట్లు తెలిపారు. పండిట్పరాశర్, కవి సంఘమిత్ర, ప్రముఖ సినీ దర్శకురాలు అఫ్సాన్, ప్రసిద్ధ సాహితీ వేత్త అంబటి వెంకన్న, బ్రదర్ వర్గీస్, మానవ హక్కుల కార్యకర్త జీవన్కుమార్, ఉస్మానియా ఆర్ఎంవో -1 డాక్టర్ జయక్రిష్ణ పాల్గొన్నారు.
