ఇస్లామాబాద్: పెండ్లి అనేసరికి భార్య, భర్తలు ఏదో ఒకటి గిఫ్ట్ ఇచ్చిపుచ్చు కుంటారు. కానీ, పాకిస్తాన్కు చెందిన యూట్యూబర్ అజ్లాన్ షా.. తన కాబోయే భార్య వరిషా జావేద్ఖాన్కు వలీమా రిసెప్షన్ సందర్భంగా ఓ గాడిద పిల్లను బహుమతిగా ఇచ్చాడు. వీటికి సంబంధించిన కొన్ని ఫొటోలను అజ్లాన్షా తన ఇన్స్టాలో పోస్టు చేయడంతో వైరల్ అవుతున్నాయి. వీరి పెండ్లిపై పాకిస్తాన్ మొత్తం చర్చ జరుగుతున్నది. ‘‘వరీషా జావేద్ఖాన్కు గాడిద పిల్ల అంటే ఎంతో ఇష్టం. అందుకే నా తరఫు నుంచి ఆమెకు కానుకగా ఇచ్చాను.
బెబీ డంకీ ఆమె తల్లి నుంచి వేరు చేయను. దాన్ని కూడా ఇంటికి తీసుకొచ్చాం”అంటూ జంతు ప్రేమికుడు అజ్లాన్ షా ఇన్స్టాలో చెప్పాడు. వరిషా.. డాక్టర్తో పాటు ఇన్స్టాగ్రామ్ ఇన్ఫ్లుయెన్సర్. గాడిదనే ఎందుకు గిఫ్ట్గా ఇవ్వాలనుకున్నాడు? అనే దానికి కొందరు సోషల్ మీడియాలో అతన్ని ప్రశ్నించగా, గాడిదంటే ఆమెకు ఇష్టం, రెండోది.. గాడిద ఎక్కువ కష్టపడి పని చేసే జంతువు అని చెప్పాడు.
