పద్మారావునగర్, వెలుగు : గాంధీ ఆస్పత్రిలో ట్రీట్ మెంట్ తీసుకుంటున్న పేషెంట్ కనిపించకుండాపోయాడు. చిలకలగూడ ఎస్సై కిశోర్ తెలిపిన వివరాల ప్రకారం.. రాంనగర్కు చెందిన జి. యాదిలాల్(55) హై బీపీతో బాధపడుతూ ఈ నెల 5న గాంధీ హాస్పిటల్లో అడ్మిట్ అయ్యాడు. అతడికి డాక్టర్లు ట్రీట్మెంట్ చేస్తున్నారు. ఈ నెల 9న సాయంత్రం యాదిలాల్ భార్య గాయత్రి.. డాక్టర్ల సూచన మేరకు ఆస్పత్రి పై అంతస్తులోని ఆరోగ్యశ్రీ వార్డుకు వెళ్లింది. తిరిగి వచ్చే సరికి బెడ్పై యాదిలాల్ కనిపించలేదు. ఆస్పత్రి మొత్తం వెతికినా భర్త కనిపించకపోవడంతో ఆమె చిలకలగూడ పీఎస్లో కంప్లయింట్ చేసింది. పోలీసులు కేసు ఫైల్ చేసి దర్యాప్తు చేపట్టారు.
