హెల్దీ ఫుడ్‌ ఐటమ్స్‌ లిస్ట్‌‌లో బెల్లం, మొలకెత్తిన శనగల్ని కూడా చేర్చుకోండని చెప్తున్నారు హెల్త్‌ ఎక్స్‌‌పర్ట్స్‌. బెల్లంలో ఐరన్‌, మెగ్నీషియం, క్యాల్షియం ఉంటాయి. మొలకెత్తిన శనగల్లో ప్రొటీన్స్‌, విటమిన్స్‌ ఉంటాయి. వీటిని కలిపి తింటే ఆరోగ్యానికి చాలా మేలు చేస్తాయి.
- శరీరంలో ఎర్ర రక్త కణాల శాతం తగ్గడంవల్ల రక్తహీనత (ఎనీమియా) వస్తుంది. ఈ సమస్యతో బాధ పడేవాళ్లు మొలకెత్తిన శనగలు, బెల్లం కలిపి తినాలి. వీటిలో ఉండే ఐరన్‌ రక్తంలో ఆక్సిజన్, ఎర్ర రక్త కణాల శాతాన్ని పెంచుతుంది. దాంతో రక్తహీనత తగ్గుతుంది.
- రోజూ గుప్పెడు మొలకెత్తిన శనగలు, బెల్లం కలిపి తినాలి. వీటిలోని కాల్షియం ఎముకలు, పళ్లను బలంగా తయారుచేస్తుంది.
- వీటిలో ఉండే మెగ్నీషియం, పొటాషియం లాంటి పోషకాలు బీపీని అదుపులో ఉంచుతాయి. అంతేకాదు మొలకెత్తిన శనగలు, బెల్లం తినడం వల్ల హార్ట్‌ ప్రాబ్లమ్స్‌ దరి చేరవు.
- మొలకెత్తిన శనగల్లో ఫైబర్ ఎక్కువగా ఉంటుంది. ఇది జీర్ణక్రియను మెరుగుపరిచి జీర్ణ సమస్యల్ని దూరం చేస్తుంది.
