సికింద్రాబాద్, వెలుగు: సౌత్ సెంట్రల్ రైల్వే పరిధిలో పర్మిషన్ లేకుండా వ్యాపారాలు చేస్తున్న వారిపై అధికారులు స్పెషల్ ఫోకస్ పెట్టారు. సౌత్ సెంట్రల్ రైల్వే పరిధిలోని 6 డివిజన్లలో గురువారం తనిఖీలు చేపట్టిన అధికారులు పర్మిషన్ లేకుండా వ్యాపారాలు చేస్తున్న 492 మందిని గుర్తించి వారికి రూ.4 లక్షల 78 వేల 640 ఫైన్ విధించారు. సికింద్రాబాద్ డివిజన్లో 108 మంది పట్టుబడగా, రూ.74,100 ఫైన్ విధించారు. విజయవాడ డివిజన్లో 129 మంది పట్టుకొని రూ. 2,06,650 లు, గుంతకల్డివిజన్లో 163 మంది పట్టుబడగా, రూ. 1,31,210 జరిమానా వసూలు చేశారు. హైదరాబాద్డివిజన్లో 38 మందిని పట్టుకుని రూ.36,280, గుంటూరు డివిజన్లో 44 మంది నుంచి రూ. 22,900, నాందేడ్డివిజన్లో 10 మందికి రూ.7,500 జరిమానా విధించారు. రైల్వే స్టేషన్లు, రైళ్లలో పర్మిషన్ లేకుండా అమ్మకాలు జరిపే వ్యాపారస్తులను అరికట్టేందుకు ప్రత్యేక తనిఖీలు చేపడుతున్నట్లు సౌత్ సెంట్రల్ రైల్వే జనరల్ మేనేజర్గజానన్మాల్యా చెప్పారు.
