- గ్రేటర్లో వ్యాక్సిన్ సెంటర్లు ఎక్కడున్నయో తెలియట్లేదు
- వేసుకునేందుకు వెళ్లి వెనుదిరిగిపోతున్న జనాలు
హైదరాబాద్, వెలుగు: గ్రేటర్లో సెకండ్ డోస్ వ్యాక్సినేషన్ డ్రైవ్ రెండురోజులుగా కొనసాగుతోంది. మొత్తం150 సెంటర్లను ఏర్పాటు చేశారు. అయితే వ్యాక్సిన్ఎక్కడ వేస్తున్నారనేది జనానికి తెలియడంలేదు. ప్రతి రోజు వ్యాక్సినేషన్ సెంటర్లు ఓపెన్ఉంటాయని ఉన్నతాధికారులు చెప్పగా ఆదివారం కొన్నిచోట్ల అందుబాటులో ఉండగా మరికొన్నిచోట్ల కనిపించలేదు. సండే కావడంతో సికింద్రాబాద్, నాగోల్, మాదాపూర్ ప్రాంతాల్లో సాఫ్ట్ వేర్, ప్రైవేట్ఎంప్లాయీస్ వచ్చినప్పటికీ సెంటర్లు ఎక్కడున్నాయో తెలియక వెనుదిరిగి వెళ్లిపోయారు. కొందరు బల్దియా హెల్ప్ లైన్నంబర్ 040–21111111కు కాల్ చేస్తే సండే హాలీడే ఉందని సమాధానం ఇచ్చారు. ఫస్ట్డోస్మాదిరిగా ఒక చోట సెంటర్ని ఏర్పాటు చేస్తే వ్యాక్సిన్ తీసుకునేందుకు వీలుగా ఉంటుంది. లేదంటే సెంటర్ ఎక్కడుందో తెలుసుకునేందుకు ప్రత్యేకంగా హైల్ప్ లైన్ నంబర్ను ఏర్పాటు చేయాలని జనం పేర్కొన్నారు.