కోల్బెల్ట్, వెలుగు: కొత్తగా ఏర్పడిన గ్రామపంచాయతీల్లో కోఆప్షన్మెంబర్లుగా దివ్యాంగులకు అవకాశం కల్పించాలని వికలాంగుల హక్కుల పోరాట సమితి జాతీయ కోర్ కమిటీ వైస్ చైర్మన్ పెద్దపల్లి సత్యనారాయణ డిమాండ్ చేశారు. శుక్రవారం మందమర్రి మండలం పులిమడుగులో ఏర్పాటు చేసిన కమిటీ సమావేశంలో ఆయన మాట్లాడారు.
గ్రామాల్లోని వృద్ధులు, వితంతువులు, ఒంటరి మహిళలు, వికలాంగులు, చేయూత పెన్షన్దారులకు పూర్తిస్థాయి సేవలు అందించేందుకు పంచాయతీ పాలనలో కో ఆప్షన్ మెంబర్లను నియమించాలని కోరారు. పంచాయతీ అభివృద్ధిలో ప్రభుత్వం దివ్యాంగులను కూడా భాగస్వామ్యం చేయాలన్నారు. సమావేశంలో కమిటీ మండల అధ్యక్షుడు ఇందూరి రమేశ్, బానోత్రాజు, బొద్దుల బుచ్చిరాజం, ధరావత్ రాందాస్, దురిశెట్టి లక్ష్మణ్ తదితరులు పాల్గొన్నారు.
