బషీర్బాగ్, వెలుగు: నగర ప్రజలను నోరూరించే పిస్తా హౌస్ హాలిమ్ ఇప్పుడు నాంపల్లిలోని 85వ నుమాయిష్ (ఎగ్జిబిషన్)లో స్టాల్ ఏర్పాటు చేసింది. ఈ స్టాల్ను పిస్తా హౌస్ వ్యవస్థాపకుడు మజీద్ శనివారం ప్రారంభించారు. క్వాలిటీలో ఎలాంటి రాజీ లేకుండా హాలిమ్ అందిస్తామన్నారు. కాగా, నుమాయిష్ సందర్శకులకు గ్రేటర్ ఆర్టీసీ గుడ్ న్యూస్ చెప్పింది.
సికింద్రాబాద్ స్టేషన్, దిల్సుఖ్నగర్, ఎల్బీ నగర్, చార్మినార్, ఉప్పల్, రిసాలాబజార్, ఎన్జీవోస్ కాలనీ, జీడిమెట్ల, లింగంపల్లి, కేపీహెచ్బీ కాలనీ, మెహదీపట్నం, చాంద్రాయణగుట్ట, మియాపూర్ నుంచి ఎగ్జిబిషన్కు ప్రత్యేక బస్సులు నడుపుతున్నట్లు వెల్లడించింది. రోజూ సాయంత్రం 5 గంటల నుంచి నాంపల్లి ఎగ్జిబిషన్ గ్రౌండ్స్ వరకు సర్వీసులు అందుబాటులో ఉంటాయని పేర్కొంది.
