రేపు(సోమవారం) తొమ్మిదో విడత పీఎం కిసాన్ సమ్మాన్ నిధులు విడుదల కానున్నాయి. రేపు మధ్యాహ్నం పన్నెండున్నరకు రైతుల ఖాతాల్లో నగదు జమ కానుంది. వీడియో కాన్ఫ రెన్స్ ద్వారా ప్రధాని మోదీ ఈ కార్యక్రమాన్ని ప్రారంభించనున్నారు. దేశ వ్యాప్తంగా 9 కోట్ల 75 లక్షల రైతుల ఖాతాల్లో 19 వేల 500 కోట్లు జమకానున్నాయి. పీఎం కిసాన్ సమ్మాన్ నిధి పథకం కింద అర్హులైన రైతులకు ప్రతీ 4 నెలలకు ఒక సారి 2 వేల చొప్పున మూడు దఫాల్లో నగదు జమకానుంది.
