మరిపెడ, వెలుగు: బాలికపై అత్యాచారం, హత్య కేసులో నిందితుడికి యావజ్జీవ కారాగార శిక్ష విధిస్తూ మహబూబాబాద్ పోక్సో ప్రత్యేక కోర్టు జడ్జి అబ్దుల్ రఫీ తీర్పునిచ్చారు. మరిపెడ పోలీస్ స్టేషన్ పరిధిలో 2021లో సంచలనం సృష్టించిన ఈ కేసులో ధర్మారం తండాకు చెందిన ధర్మసోత్ రాజేశ్ను దోషిగా నిర్ధారించిన కోర్టు, యావజ్జీవ శిక్షతో పాటు రూ.50 వేల జరిమానా విధించింది. ఈ కేసులో సరైన ఆధారాలు సేకరించి పకడ్బందీగా సాక్ష్యాలు సమర్పించడంలో అప్పటి దర్యాప్తు అధికారి సీఐ సాగర్, కోర్టు లైజన్ అధికారి ఎస్సై జీనత్, బ్రీఫింగ్ అధికారి సీఐ రాజ్కుమార్ గౌడ్, హెడ్ కానిస్టేబుల్ శ్రీనివాస్ కీలక పాత్ర పోషించారు. పబ్లిక్ ప్రాసిక్యూటర్ కొంపెల్లి వెంకటయ్య బలమైన వాదనలతో నిందితుడికి శిక్ష పడేలా చేశారు.
