పీఎస్ కు రాకుండానే కంప్లయింట్ వ్వొచ్చు
హైదరాబాద్ లో ఈరోజు నుంచి కొత్త పద్ధతి
హైదరాబాద్, వెలుగు: ఇప్పటివరకు ఏదైనా కంప్లయింట్ ఇవ్వాలంటే బాధితులు తప్పనిసరిగా పోలీస్స్టేషన్కు వెళ్లాల్సి వచ్చేది. కొంతమంది బాధితులు కొన్ని కారణాలతో పోలీస్స్టేషన్దాకా వెళ్లి ఫిర్యాదు చేసేందుకు వెనకడుగు వేస్తుంటారు. ఈ సమస్యకు ఒక చక్కని పరిష్కారం చూపారు హైదరాబాద్ సిటీ పోలీసులు. ఏదైనా రీజన్స్తో పీఎస్కి రాలేకపోతే డయల్ 100, లేదా లోకల్ పోలీస్స్టేషన్కు ఫోన్ చేసి విషయం చెప్పొచ్చు. మీ ఏరియాలోని బ్లూ కోల్ట్స్ పోలీసులకు గాని, ప్యాట్రో కార్ సిబ్బందికి సమాచారమిచ్చినా ఇంటికి వచ్చి కంప్లయింట్ తీసుకుంటారు. బాధితుడి ఇంటి నుంచే ఆన్లైన్లో అప్లోడ్ చేయడం వల్ల నేరుగా స్థానిక పోలీస్ స్టేషన్ కి చేరుతుంది. సంబంధిత ఇన్ స్పెక్టర్ కేసును పరిశీలించి ఫస్ట్ ఇన్ఫర్మేషన్ రిపోర్ట్ నమోదు చేస్తారు. అందులో నిజానిజాలను తెలుసుకుని కేసు దర్యాప్తుకు ఆదేశిస్తారు. తీవ్రమైన నేరాల్లో సీన్ ఆఫ్ ఆఫెన్స్ ను విజిట్ చేసి స్టేట్మెంట్స్ రికార్డ్ చేస్తారు. ఈ సందర్భంగా సిటీ పోలీస్కమిషనర్అంజనీకుమార్ మాట్లాడుతూ ఫ్రెండ్లీ పోలీసింగ్లో భాగంగా ఈ విధానాన్ని తెచ్చామన్నారు. 122 ప్యాట్రో కార్,400కి పైగా ఉన్న బ్లూకోల్ట్స్ సిబ్బందిని కేసులు నమోదు చేయించేందుకు రెడీ చేశామని తెలిపారు.