ఫోన్ ట్యాపింగ్ కేసులో ప్రధాన నిందితుడు ఎస్ఐబీ మాజీ చీఫ్ ప్రభాకర్ రావు ఇండియాకు రప్పించేందుకు పోలీసులు తీవ్ర ప్రయత్నాలు చేస్తున్నారు. ఇందులో భాగంగా ఫోన్ ట్యాపింగ్ కేసులో విచారణను స్పీడప్ చేశారు పోలీసులు. ఇప్పటికే ఈ కేసుతో సంబంధమున్న పలువురు అధికారులను పోలీసులు అరెస్టు చేసి విచారించారు. అమెరికాలో ఉన్న ప్రభాకర్ రావుతోపాటు ఓ చానల్ ఎండీ శ్రవణ్ రావును భారత్ కు రప్పించేందుకు అన్నిక రకాల ప్రయత్నాలు చేస్తున్నారు.
ఈ ఫోన్ ట్యాపింగ్ కేసులో కీలకమైన టెక్నికల్ ఆధారాలను పోలీసులు సేకరించారు. కొండాపూర్ లోని కన్వర్జెన్స్ ఇన్నేవేషన్ ల్యాబ్ లో సోదాలు చేసి, 3 సర్వర్లు, హార్డ్ డిస్క్ లు, 5 మాక్ మినీ డివైజ్ లు సీజ్ చేశారు. ల్యాబ్ డైరెక్టర్ పాల్ రవికుమార్ కు నోటీసులు ఇచ్చి విచారణ చేశారు. ఆయనతో పాటు ల్యాబ్ సీనియర్ మేనేజర్, సాఫ్ట్ వేర్ ఇంజనీర్ స్టేట్ మెంట్స్ రికార్డ్ చేశారు.
