- కంపెనీ డైరెక్టర్ ఇండ్లు, ఆఫీసుల్లో సిట్సోదాలు
- 3 సర్వర్లు, హార్డ్డిస్కులు సీజ్
- ఇన్నోవేషన్ల్యాబ్ప్రతినిధుల స్టేట్మెంట్లు రికార్డు
- పోలీసుల దర్యాప్తు ముమ్మరం
హైదరాబాద్: ఫోన్‌ ట్యాపింగ్‌ కేసు దర్యాప్తులో కీలక పరిణామం చోటుచేసుకుంది. ఎస్‌ఐబీకి టెక్నికల్‌ సపోర్ట్‌ అందించిన ఇన్నోవేషన్ ల్యాబ్ లో హార్డ్ డిస్క్‌లను సిట్ స్వాధీనం చేసుకున్నట్లు తెలుస్తోంది. ఈ కంపెనీ డైరెక్టర్ పాల్రవికుమార్‌కు చెందిన బెంగళూరు, హైదరాబాద్ ఇళ్లలో.. ఆఫీసుల్లో తనిఖీలు నిర్వహించారు. ఇన్నోవేషన్ ల్యాబ్ ఆఫీసుల నుంచి మూడు సర్వర్లు, ఐదు మినీ డివైజ్‌లు, హార్డ్ డిస్క్‌లతో పాటు రవికుమార్‌ ఇంట్లో దాచిన హార్డ్ డిస్క్‌లను సైతం సిట్ సేకరించినట్లు తెలుస్తోంది.
ఆ సమయంలో ల్యాబ్ సీనియర్మేనేజర్ రాగి అనంతచారి, సాఫ్ట్ వేర్ఇంజినీర్ ఓలేటి సీతారాం శ్రీనివాస్ స్టేట్మెంట్లను సైతం సిట్ రికార్డు చేసినట్లు తెలుస్తోంది. మరోవైపు.. ఫోన్‌ ట్యాపింగ్‌ వ్యవహారంలో నిందితుడు ప్రణీత్‌ రావు ఈ ల్యాబ్ సహకారమే తీసుకున్నట్లు ఇదివరకే నిర్ధారణ అయ్యింది. అంతేకాదు.. ప్రతిపక్ష నేతల ఇళ్లతో పాటు మూడు జిల్లాల్లో ల్యాబ్ మినీ కంట్రోల్‌ రూమ్‌ ఏర్పాటులో రవికుమార్‌ కీలక పాత్ర పోషించినట్లు సిట్ నిర్ధారించుకుంది. ఈ క్రమంలో తాజాగా సేకరించిన టెక్నికల్‌ ఎవిడెన్స్‌ సేకరణ దర్యాప్తును మలుపు తిప్పుతాయా? అనే ఉత్కంఠ నెలకొంది. మరోవైపు రవికుమార్‌ను విచారణ చేపడతారా? నోటీసులు ఏమైనా జారీ చేశారా? అనే విషయంపై క్లారిటీ రావాల్సి ఉంది.
