పాపన్నపేట, వెలుగు: ఏడుపాయలలో ఆదివారం చెక్ డ్యామ్ దగ్గర భక్తులు స్నానాలు చేస్తుండగా ప్రమాదవశాత్తు ఓ చిన్నారి నీటిలో జారి పడింది. గమనించిన క్విక్ రెస్పాన్స్ టీం (క్యూఆర్టీ) ఇన్చార్జి శ్రీనివాస్, కానిస్టేబుల్స్ యాదగిరి, రాజేందర్ వెంటనే స్పందించి చెక్ డ్యామ్ లోకి దిగి చిన్నారి ప్రాణాలు కాపాడారు.
అలాగే ఏడుపాయల దుర్గామాత ఆలయం ఆవరణలో లలిత్ గౌడ్ అనే 4 ఏళ్ల బాలుడు తప్పిపోయి అటు ఇటు తిరుగుతుండగా గమనించిన పోలీసులు బాలుడిని తల్లితండ్రులకు అప్పగించారు.
