పర్వతగిరి(సంగెం), వెలుగు : వరంగల్ జిల్లా సంగెం మండలం పల్లారుగూడలోని శ్రీ మహాలక్ష్మీ బిన్నీ రైస్ మిల్ లో అక్రమంగా నిల్వచేసిన సుమారు 400 బస్తాల రేషన్ బియ్యాన్ని పోలీసులు పట్టుకున్నారు. బుధవారం పర్వతగిరి సీఐ శ్రీనివాస్ తెలిపిన వివరాల ప్రకారం... మిల్లు యజమాని కలకొండ ఏకాంబరాచారి గతంలో ప్రభుత్వం నుంచి వడ్లు తీసుకున్నా.. సీఎంఆర్కు అప్పగించలేదు.
జిల్లా సివిల్ సప్లయ్ అధికారులు తనిఖీల కోసం మిల్లుకు వెళ్లారు. ఈ క్రమంలో పీడీఎస్ బియ్యం తరలించడానికి సిద్దంగా ఉంది. గమనించిన అధికారులు తనిఖీ చేసి, పోలీస్ స్టేషన్లో ఫిర్యాదు చేశారు. దీంతో యజమాని ఏకాంబరాచారి పై కేసు నమోదు చేసినట్లు సీఐ వివరించారు. ఈ కార్యక్రమంలో ఎస్సై నరేశ్, సిబ్బంది ఉన్నారు.
