ఇండియన్ సినీ ఇండస్ట్రీ నుండి ఇద్దరు బడా హీరోలు తమ స్టామినా చూపించడానికి రెడీ అయ్యారు. ఒక్క రోజు గ్యాప్ లో సోషల్ మీడియాలో వార్ షురూ చేయనున్నారు. ఆ ఇద్దరు హీరోలు మరెవరో కాదు.. పాన్ ఇండియా స్టార్ ప్రభాస్(Prabhas).. బాలీవుడ్ కింగ్ ఖాన్ షారుఖ్ ఖాన్(Shah Rukh Khan). ఈ ఇద్దరు స్టార్ హీరోలు తమ అప్ కమింగ్ సినిమాల టీజర్స్ ను ఒక్కరోజు గ్యాప్ లో రిలీజ్ చేసి సోషల్ మీడియాలో రచ్చ లేపనున్నారు.
Also Read : లవర్‌‌కు పెండ్లైందని.. యువకుడి అత్మహత్య
ప్రభాస్ హీరోగా, కన్నడ స్టార్ డైరెక్టర్ ప్రశాంత్ నీల్(Prashanth neel) దర్శకతంలో సలార్(Salaar) సినిమా చేస్తున్న సంగతి తెలిసిందే. పాన్ ఇండియా లెవల్లో భారీ అంచనాలున్న ఈ సినిమా కోసం ప్రభాస్ అభిమానులు వేయి కళ్ళతో ఎదురుచూస్తున్నారు. సెప్టెంబర్ 28న ప్రేక్షకుల ముందుకు రానున్న ఈ సినిమా నుండి తాజాగా టీజర్ అప్డేట్ ఇచ్చారు మేకర్స్. ఈ టీజర్ జులై 6న ఉందయం 5:12 నిమిషాలకు రిలీజ్ చేయనున్నట్లు ప్రకటించారు. దీంతో ఎప్పుడెప్పుడు ఈ టీజర్ రిలీజ్ అవుతుందా అని ప్రభాస్ అభిమానులు ఆతృతగా ఎదురుచూస్తున్నారు.
ఇక మరోపక్క బాలీవుడ్ కింగ్ ఖాన్ షారుఖ్ ఖాన్ హీరోగా వస్తున్న లేటెస్ట్ మూవీ జవాన్(Jawan). తమిళ స్టార్ డైరెక్టర్ అట్లీ(Atlee) తెరకెక్కిస్తున్న ఈ సినిమాపై కూడా అభిమానుల్లో భారీ అంచనాలున్నాయి. పాన్ ఇండియా లెవల్లో ప్రేక్షకుల ముందుకు రానున్న ఈ సినిమా టీజర్ ను జులై 7న రిలీజ్ చేయనున్నట్లు ప్రకటించారు మేకర్స్. అవుట్ అండ్ అవుట్ యాక్షన్ ఎంటర్టైనర్ గా రానున్న ఈ సినిమా కోసం కూడా షారుఖ్ అభిమానులు ఈగర్ గా వెయిట్ చేస్తున్నారు.
ఇక ఈ రెండు సినిమా ల టీజర్లు ఒక్కరోజు గ్యాప్ లో రిలీజ్ అవుతుండటంలో.. అభిమానులు సోషల్ మీడియా వార్ కు సిద్ధమయ్యారు. దీంతో యూట్యూబ్ సర్వర్లు క్రాష్ అవడం ఖాయం అనే కామెంట్స్ వినిపిస్తున్నాయి. మరి ఏ హీరో టీజర్ కు రికార్డ్ వ్యూస్ వస్తాయో చూడాలంటే మారో మూడు రోజులు ఆగాల్సిందే.
