హైదరాబాద్, వెలుగు: బుద్వేల్లో వేలం నిర్వ హించనున్న ప్లాట్లకు ఆదివారం హెచ్ఎండీఏ ప్రీ బిడ్ మీటింగ్ నిర్వహించింది. 182 ఎకరాల ల్యాండ్లో ప్రస్తుతం 100 ఎకరాలు వేలం వేస్తున్నట్లు ఇటీవల హెచ్ఎండీఏ నోటిఫికేషన్ విడుదల చేసింది. ప్రస్తుతం బుద్వేల్ లే అవుట్లో కేవలం 14 ప్లాట్లకు హెచ్ఎండీఏ వేలం నిర్వహించనుంది. ఇక్కడి లేఅవుట్లో ప్లాట్ సైజులు కనీసం 3.47 ఎకరాలు, గరిష్టం 14.3 ఎకరాలుగా ఉన్నాయి. ఈ నెల 10న వేలం పాట జరగనుంది. ఎకరా కనీస ధరను హెచ్ఎండీఏ రూ.20 కోట్లుగా నిర్ణయించింది. టీ - హబ్లో హెచ్ఎండీఏ నిర్వహించిన ప్రీ బిడ్ సమావేశానికి హైదరాబాద్లోని బిల్డర్లు, కన్ స్ట్రక్షన్కంపెనీలతో పాటు దేశంలోని బడా రియల్ ఎస్టేట్ సంస్థల ప్రతినిధులు పాల్గొన్నారు.
