వ్యాక్సినేషన్, కొవిడ్ గైడ్లైన్స్ పాటించడం కరోనా నుంచి రక్షించుకునే మార్గాలు. అన్నీ బాగానే ఉన్నా.. ఎక్కువ కాలం మాస్కులు తొడగడం వల్ల ఇబ్బందులు వస్తున్నాయనే కంప్లయింట్స్ ఈ మధ్య పెరుగుతున్నట్టు డాక్టర్ల రిపోర్టులు చెబుతున్నాయి. అయితే మాస్క్ తప్పకుండా వాడాలి. కానీ, కొన్ని జాగ్రత్తలతో వాడితే ఈ సమస్యలను తప్పించుకోవచ్చంటున్నారు ఎక్స్పర్ట్స్.
- మాస్క్ ఎక్కువ సేపు వాడటం వల్ల తలనొప్పి, డీహైడ్రేషన్, అసౌకర్యం, అలర్జీ వంటి వాటి బారిన పడుతున్నామని చాలామంది చెబుతున్నారు. వాటికి కొన్ని జాగ్రత్తలు తీసుకుంటే చాలంటున్నారు డాక్టర్లు.
- టైట్గా ఉన్న మాస్క్ పెట్టుకోవద్దు. టైట్ మాస్కులు చెవి దగ్గర నరాలను ఇబ్బంది పెడతాయి. దాని వల్ల తలనొప్పి వచ్చే అవకాశముంది.
- ఎక్కువ కాలం మాస్క్ ధరించడం వల్ల టెంపోరోమ్యాండిబ్యులర్ జాయింట్ (టీఎంజే– తలలో రెండు చెవుల మధ్య ఉండే జాయింట్) లో నొప్పి పుడుతుంది. ఈ జాయింట్తోనే దవడ కదులుతుంది. చెవుల దగ్గర నరాలు టైట్ అయితే ఫస్ట్ ఎఫెక్ట్ అయ్యేది ఈ జాయింటే. దాంతో తలనొప్పి వస్తుంది.
- మాస్క్ పెట్టుకొని గంటలు గంటలు ఉంచుకోవద్దు. అప్పుడప్పుడు నోరు తెరుస్తుండాలి. నెమ్మదిగా నోటిని తెరుస్తూ, మూస్తూ చిన్నపాటి మౌత్ ఎక్సర్సైజ్లా చేయాలి.
- జలుబు, దగ్గు, ఆస్తమా, అలర్జీలు, స్కిన్ అలర్జీలు ఉన్న వాళ్లకి మాస్క్ పెట్టుకోవడం కొంత కష్టంగా ఉంటుంది. వాళ్లు ఎప్పుడూ జాగ్రత్తగా ఉండాలి. మాస్క్ పెట్టుకున్నా దవడలు, నోటికి పని చెప్పాలి. అప్పుడప్పుడు దవడల్ని కదిలిస్తుండాలి.
- సర్జికల్ మాస్క్లు పెట్టుకొని బయటకు వెళ్తే ఇంటికొచ్చాక వాటిని పారేయాలి. మళ్లీ మళ్లీ వాడొద్దు. వాటి మీద ఎక్కువ దుమ్ము, ధూళి పేరుకు పోయే ప్రమాదం ఉంది.