ప్రపంచ సమస్యలపై..కలిసి పోరాడుతం!

ప్రపంచం ఎదుర్కొంటున్న సమస్యలపై కలిసి పోరాడేందుకు నాలుగు దేశాలతో కొత్తగా ఏర్పడిన ‘ఐ2యూ2’ కూటమి నిర్ణయించిందని, దీని కోసం సరికొత్త ఫ్రేం వర్క్స్ ను  సిద్ధం చేస్తున్నామని ప్రధాని నరేంద్ర మోడీ ప్రకటించారు

న్యూఢిల్లీ : ప్రపంచం ఎదుర్కొంటున్న సమస్యలపై కలిసి పోరాడేందుకు నాలుగు దేశాలతో కొత్తగా ఏర్పడిన ‘ఐ2యూ2’ కూటమి నిర్ణయించిందని, దీని కోసం సరికొత్త ఫ్రేం వర్క్స్ ను  సిద్ధం చేస్తున్నామని ప్రధాని నరేంద్ర మోడీ ప్రకటించారు. ఇండియా, అమెరికా, ఇజ్రాయెల్, యూఏఈ దేశాలు ఉన్న ఈ కూటమి, గురువారం తొలి సమావేశం నిర్వహించింది. ఈ సమిట్‌‌‌‌లో ప్రధాని నరేంద్ర మోడీతో పాటు అమెరికా ప్రెసిడెంట్​ జో బైడెన్, ఇజ్రాయెల్ ప్రధాని యార్ లపిడ్, యూఏఈ ప్రెసిడెంట్ మహమ్మద్ బిన్ జాయెద్ అల్ నహ్యాన్ పాల్గొన్నారు. వర్చువల్​గా జరిగిన ఈ మీటింగ్​లో ప్రధాని నరేంద్ర మోడీ మాట్లాడారు. నాలుగు దేశాల కూటమే ఐ2యూ2 అని, దీన్ని పశ్చిమ ఆసియాకు క్వాడ్‌‌‌‌గా కూడా పిలుస్తారని వివరించారు. 3 దేశాల అధినేతలతో జరిగిన ఈ సమిట్​ పాజిటివ్​ ఎంజెడాతో ప్రారంభమైందన్నారు. ప్రపంచ వ్యాప్తంగా పెరుగుతున్న అనిశ్చితి కారణంగా సమస్యలు ఎదురవుతున్నాయని తెలిపారు. చాలా ఏరియాల్లో జాయింట్​ ప్రాజెక్ట్స్​ చేపట్టాలని, దీని కోసం రోడ్​ మ్యాప్ కూడా సిద్ధం చేశామని వివరించారు. వాటర్​, ఎనర్జీ, ట్రాన్స్​పోర్టేషన్​, స్పేస్​, హెల్త్​తో పాటు ఫుడ్​ సెక్యూరిటీ రంగాల్లో పెట్టుబడులు పెడ్తామన్నారు.

కూటమి ఎజెండా.. ప్రోగ్రెసివ్​, ప్రాక్టికల్​
ఐ2యూ2 కూటమి విజన్​, ఎజెండా కేవలం ప్రోగ్రెసివ్​, ప్రాక్టికల్​ అని ప్రధాని మోడీ వివరించారు. ఇండియా వ్యాప్తంగా ఇంటిగ్రేటెడ్​ ఫుడ్​ పార్కులను అభివృద్ధి చేసేందుకు కూటమి తరఫున యూఏఈ 2 బిలియన్​ డాలర్లు ఇన్వెస్ట్​ చేసేందుకు ముందుకు వచ్చిందని మోడీ ప్రకటించారు. ఇండియా, ఇజ్రాయెల్,  యూఎస్ఏ, యూఏఈ దేశాల మొదటి అక్షరాలు ‘ఐ2యూ2’ కూటమి ఏర్పాటైందన్నారు.

ఫుడ్​ సెక్యూరిటీపై కీలక చర్చ
కూటమి తరఫున 4 దేశాల అధినేతలు సంయుక్త ప్రకటన విడుదల చేశారు. గుజరాత్​లో 300 మెగావాట్ల పవన, సౌర శక్తిని ఉత్పత్తి చేసే హైబ్రిడ్​ పునరుత్పాదక ఇంధన ప్రాజెక్టును ముందుకు తీసుకెళ్లా లని కూటమి నిర్ణయించిందని పేర్కొన్నా రు. ఇది బ్యాటరీ శక్తి నిల్వ వ్యవస్థలతో ఉంటుందని తెలిపారు. ఆరు కీలక రంగా లపై ఫోకస్​ పెట్టామని, జాయింట్​ ఇన్వెస్ట్​మెంట్​ చేసేందుకు నిర్ణయించామని ప్రకటించారు. ఫుడ్​ సెక్యూరిటీ క్రైసిస్​, స్వచ్ఛమైన విద్యుత్​పై ప్రధానంగా చర్చిం చామని వివరించారు. ఆహార వ్యవస్థల ను పెంపొందించేందుకు పరిష్కార మార్గాలపై మాట్లాడుకున్నట్టు తెలిపారు.