కేంద్ర ప్రభుత్వరంగ సంస్థ పంజాబ్ అండ్ సింధ్ బ్యాంక్ దేశవ్యాప్తంగా వివిధ రాష్ట్రాల్లో లోకల్ బ్యాంక్ ఆఫీసర్ (జేఎంజీఎస్–I) పోస్టుల భర్తీకి నోటిఫికేషన్ విడుదల చేసింది. ఆసక్తి, అర్హత గల అభ్యర్థులు ఆన్లైన్ ద్వారా అప్లై చేయవచ్చు. అప్లికేషన్ ప్రక్రియ మార్చి 21న ప్రారంభమై, ఏప్రిల్ 20న ముగుస్తుంది.
పోస్టు పేరు: లోకల్ బ్యాంక్ ఆఫీసర్ (జేఎంజీఎస్–I).
మొత్తం ఖాళీలు: దేశవ్యాప్తంగా వివిధ రాష్ట్రాల్లో 1000 పోస్టులు ఖాళీ ఉన్నాయి. తెలంగాణ రాష్ట్రంలో 30 పోస్టులు ఉన్నాయి.
వయోపరిమితి (2026, మార్చి 1 నాటికి): కనీస వయసు 20 సంవత్సరాలు. గరిష్ట వయసు 30 సంవత్సరాలు. అభ్యర్థి1996, మార్చి 2 కంటే ముందు, 2006, మార్చి 1 తర్వాత జన్మించి ఉండకూడదు. ఎస్సీ, ఎస్టీలకు 5 సంవత్సరాలు, ఓబీసీలకు మూడు సంవత్సరాలు, పీడబ్ల్యూబీడీ అభ్యర్థులకు 10 సంవత్సరాలు వయోపరిమితిలో సడలింపు ఉంటుంది.
ఎలిజిబిలిటీ: గుర్తింపు పొందిన విశ్వవిద్యాలయం నుంచి ఏదైనా విభాగంలో డిగ్రీ పూర్తిచేసి ఉండాలి. ఏదైనా షెడ్యూల్డ్ కమర్షియల్ బ్యాంక్ లేదా ఏదైనా ప్రాంతీయ గ్రామీణ బ్యాంకులో కనీసం 18 నెలల పని అనుభవం ఉండాలి.
అప్లికేషన్: ఆన్లైన్ ద్వారా.
అప్లికేషన్ ప్రారంభం: మార్చి 31.
అప్లికేషన్ ఫీజు: ఎస్సీ, ఎస్టీ, పీడబ్ల్యూడీ అభ్యర్థులకు రూ.100. జనరల్, ఓబీసీ, ఈడబ్ల్యూఎస్ అభ్యర్థులకు రూ.850.
లాస్ట్ డేట్: ఏప్రిల్ 20.
సెలెక్షన్ ప్రాసెస్: రాత పరీక్ష, స్క్రీనింగ్, పర్సనల్ ఇంటర్వ్యూ, లోకల్ లాంగ్వేజ్ ప్రొఫిషియెన్సీ టెస్ట్ ఆధారంగా అభ్యర్థులను ఎంపిక చేస్తారు.
రాత పరీక్ష
రాత పరీక్ష ఆన్లైన్ పద్ధతిలో ఉంటుంది. ప్రశ్నలు మల్టిపుల్ చాయిస్ రూపంలో ఇస్తారు. 120 ప్రశ్నలు 120 మార్కులకు అడుగుతారు. నెగిటివ్ మార్కింగ్ ఉన్నది. ప్రతి తప్పుడు సమాధానానికి 0.25 (1/4వ వంతు) మార్కుల కోత ఉంటుంది. ఇంగ్లిష్ లాంగ్వేజ్ విభాగం మినహా పరీక్ష ఇంగ్లిష్, హిందీ భాషల్లో ఉంటుంది. సెక్షనల్ టైమింగ్ ఉంటుంది. అంటే ప్రతి విభాగానికి నిర్ణీత సమయం ఉంటుంది. ఆ సమయం ముగిసిన తర్వాతే తదుపరి విభాగానికి వెళ్లగలరు.
లోకల్ లాంగ్వేజ్ ప్రొఫిషియెన్సీ టెస్ట్
అభ్యర్థులు ఏ రాష్ట్రం నుంచి దరఖాస్తు చేస్తున్నారో ఆ రాష్ట్ర అధికారిక భాషను (ఉదాహరణకు: తెలంగాణలో అయితే తెలుగు) 10వ తరగతి లేదా 12వ తరగతి మార్క్షీట్లో ఒక సబ్జెక్టుగా చదివి ఉంటే ఈ పరీక్ష ఉండదు. ఒకవేళ పైన పేర్కొన్న తరగతుల్లో స్థానిక భాషను ఒక సబ్జెక్టుగా చదవకపోతే కచ్చితంగా ఈ పరీక్షకు హాజరు కావాల్సి ఉంటుంది. ఆన్లైన్ పరీక్ష తర్వాత ఇంటర్వ్యూకి ముందు లేదా ఇంటర్వ్యూ సమయంలో లోకల్ లాంగ్వేజ్ ప్రొఫిషియెన్సీ టెస్ట్ నిర్వహిస్తారు. ఇందులో మూడు రకాల నైపుణ్యాలను పరీక్షిస్తారు.
చదవడం: ఒక తెలుగు పేరాగ్రాఫ్ ఇచ్చి చదవమనడం.
రాయడం: చిన్న వ్యాసం లేదా ఉత్తరం రాయమనడం.
మాట్లాడటం: ఇంటర్వ్యూలో భాగంగా స్థానిక భాషలో మాట్లాడమనడం లేదా ఒక అంశంపై వివరించమనడం.
ఫైనల్ మెరిట్: రాత పరీక్షలో అర్హత సాధించిన వారిని 1:3 నిష్పత్తిలో ఇంటర్వ్యూకి పిలుస్తారు. తుది ఎంపికలో రాత పరీక్షకు 70 శాతం, ఇంటర్వ్యూకి 30 శాతం వెయిటేజీ ఉంటుంది.
సిలబస్
బ్యాంకింగ్ నాలెడ్జ్: భారతీయ బ్యాంకింగ్ వ్యవస్థ, బ్యాంకింగ్ చట్టాలు, రుణాలు & అడ్వాన్సులు, డిజిటల్ బ్యాంకింగ్, ప్రభుత్వ పథకాలు
జనరల్ అవేర్నెస్ / ఎకానమీ: గత 6 నెలల జాతీయ, అంతర్జాతీయ సమావేశాలు, సంఘటనలు, ఆర్థిక వార్తలు, నియామకాలు,
ముఖ్యమైన తేదీలు & అవార్డులు.
ఇంగ్లిష్ లాంగ్వేజ్: రీడింగ్ కాంప్రహెన్షన్, ఎర్రర్ స్పాటింగ్, పారా జంబుల్స్,వొకాబులరీ,
కంప్యూటర్ ఆప్టిట్యూడ్: కంప్యూటర్ బేసిక్స్, ఎంఎస్ ఆఫీస్, ఇంటర్నెట్ & నెట్వర్కింగ్, బైనరీ నంబర్ సిస్టమ్
మరిన్ని వివరాలకు వెబ్సైట్ ibpsreg.ibps.inను సందర్శించండి.
