డాషింగ్ డైరెక్టర్ పూరి జగన్నాధ్ క్రేజీ అప్డేట్ ఇచ్చాడు. అయన దర్శకత్వంలో రామ్ పోతినేని హీరోగా వచ్చిన ఇస్మార్ట్ శంకర్ మూవీ ఎంత పెద్ద సక్సెస్ అయ్యిందో ప్రత్యేకంగా చెప్పాల్సిన అవసరంలేదు. ఈ ఒక్క సినిమాతో అటు పూరి జగన్నాధ్, ఇటు రామ్ స్ట్రాంగ్ కంబ్యాక్ ఇచ్చారు. పక్క మాస్ యాక్షన్ ఎంటర్టైనర్ గా వచ్చిన ఈ మూవీ బాక్సాఫీస్ దగ్గర ఏకంగా వంద కోట్లు కొల్లగొట్టింది.
ఇక దాదాపు నాలుగేళ్ల తరువాత ఈ సినిమాకి సీక్వెల్ ప్రకటించాడు డైరెక్టర్ పూరి జగన్నాధ్. తాజాగా ఇందుకు సంబంధించిన అఫీషియల్ అనౌన్స్మెంట్ కూడా ఇచ్చేసాడు. ఇందులో భాగంగా పూరి తన ట్విట్టర్ లో అనౌన్స్మెంట్ వీడియో కూడా రిలీజ్ చేశారడు. ఈ క్రేజీ కాంబో కి సంబంధించిన దిమాఖ్ ఖరాబ్ అప్డేట్ మే 14న సాయంత్రం 4 గంటలకి రానుందని ఈ వీడియోలో ప్రకటించాడు. నిజానికి ఈ సీక్వెల్ కోసం ఆడియన్స్ కూడా చాలా కాలంగా ఎదురుచూస్తున్నారు.
ఈ లేటెస్ట్ అప్డేట్ తో ఫుల్ ఖుషీ అవుతున్నారు రామ్ ఫ్యాన్స్. పూరి కనెక్ట్స్ పై పూరి జగన్నాధ్, చార్మీ నిర్మిస్తున్న ఈ సినిమాకి సంబంధించిన ఫుల్ డీటెయిల్స్ త్వరలోనే వెల్లడించనున్నారు మేకర్స్. ఇక రామ్ కెరీర్ లోనే బిగ్గెస్ట్ హిట్ గా నిలిచిన ఇస్మార్ట్ శంకర్ మూవీకి సీక్వెల్ గా రానున్న ఈ మూవీ ఇంకెన్ని రికార్డ్స్ క్రియేట్ చేయనుందో తెలియాలి అంటే మరికొన్ని రోజులు ఆగాల్సిందే.
