కేంద్ర బడ్జెట్లో బడాబాబులకు పెద్దపీట వేశారని రాజ్యసభ సభ్యుడు ఆర్. కృష్ణయ్య ఆరోపించారు. కార్పొరేట్ కంపెనీలకు భారీగా రాయితీలు ఇచ్చారని అన్నారు. రూ.45 లక్షల కోట్ల బడ్జెట్లో రూ.2వేల కోట్లు మాత్రమే బీసీలకు కేటాయించడం సిగ్గుచేటన్నారు. 70 కోట్ల జనాభా ఉన్న బీసీలకు ఆ మొత్తం ఎలా సరిపోతుందని ప్రశ్నించారు. బీసీలు దేశ సంపదలో వాటాదారులే తప్ప బిక్షగాళ్లు కాదని అన్నారు. బడ్జెట్లో మార్పులు చేసి బీసీలకు 2 లక్షల కోట్లు కేటాయించాలని కృష్ణయ్య డిమాండ్ చేశారు. రాజ్యాంగ బద్దంగా నియమంచిన మండల్ కమిషన్ సిఫార్సులను ఎందుకు అమలు చేయడం లేదని ప్రశ్నించారు. బీసీ విద్యార్థులకు స్కాలర్ షిప్లు ఇవ్వకుండా.. హాస్టళ్లు కేటాయించకుండా పాలకులు నిర్లక్ష్యం వహిస్తున్నారని విమర్శించారు.
