మంచిర్యాల,వెలుగు: వరద బాధితులను ఆదుకోవడంలో విఫలమైన ఎమ్మెల్యే నడిపెల్లి దివాకర్రావు వెంటనే రాజీనామా చేయాలని బీజేపీ జిల్లా అధ్యక్షుడు వెరబెల్లి రఘునాథ్రావు డిమాండ్ చేశారు. ఆ పార్టీ ఆధ్వర్యంలో ముంపు బాధితులు మంగళవారం కలెక్టరేట్ ఎదుట ధర్నా చేశారు. ఈ సందర్భంగా రఘునాథ్రావు మాట్లాడుతూ మంచిర్యాల, వేంపల్లిలో వరదలు వచ్చి 15 రోజుల దాటినా ఇప్పటివరకు బాధిత కుటుంబాలకు ప్రభుత్వం నష్టపరిహారం ఇవ్వలేదన్నారు. సీఎం కేసీఆర్జిల్లాలో పర్యటించి ప్రతి కుటుంబానికి రూ.10 వేలు ఆర్థికసాయం చేయాలని, జిల్లాకు రూ.5 కోట్ల ప్యాకేజీ ప్రకటించాలని, సర్వే చేసి నష్టపరిహారం చెల్లించాలని డిమాండ్ చేశారు.
వరదలు వచ్చిన ఇతర జిల్లాల్లో పర్యటించిన కేసీఆర్.. మంచిర్యాల జిల్లాకు ఎందుకు రాలేదని ప్రశ్నించారు. సీఎంను జిల్లాకు తీసుకురావడంలో ఎమ్మెల్యే దివాకర్రావు విఫలమయ్యారన్నారు. నష్టపరిహారం ఇవ్వకపోతే పోరాటం ఉధృతం చేస్తామని ప్రభుత్వాన్ని హెచ్చరించారు. బీజేపీ లీడర్లు మున్నారాజ్ సిసోడియా, పొనుగోటి రంగారావు, ఆరుముల్ల పోశం, మోటపలుకుల తిరుపతి, రజినీశ్ జైన్, రేకందర్ వాణి, గుండా ప్రభాకర్, మాధవరపు రమణారావు, తుల ఆంజనేయులు, వంగపల్లి వెంకటేశ్వర్రావు, అగల్డ్యూటీ రాజు, బొప్పు కిషన్, బొలిశెట్టి తిరుపతి, బొద్దున మల్లేశ్, జోగుల శ్రీదేవి పాల్గొన్నారు.
