తృణధాన్యాలైన చిట్టి రాగులు శరీరానికి చేసే మేలు అంతా ఇంతా కాదు. క్యాల్షియం, ప్రొటీన్లు, మినరల్స్ తో పాటు శరీరానికి కావల్సిన పోషకాలన్నీ వీటిలో ఉంటాయి. రాగులను నిత్యం తింటే దాంతో మధుమేహం, బీపీ సమస్యల నుంచి బయట పడవచ్చు. అందుకే రాగులను మనమెనూలో చేర్చడం ఎన్నో లాభాలు పొందొచ్చు..
వంద గ్రాముల రాగుల్లో
అత్యంత పోషకాలు ఉన్న చిరుధాన్యం రాగులు గుర్తిస్తారు. క్యాల్షియం 344 మిల్లీ గ్రాములు, ఐరన్ 3.9 మిల్లీ గ్రాములు ఉంటాయి. ఐరన్ ఇతర తృణధాన్యాలన్నింటి కన్నా అధికంగా ఉంటుంది. అంతేకాకుండా క్యాలరీలు 336, కార్బో హైడ్రేట్లు 80 శాతం , తేమ 12 శాతం ఉంటుంది. రాగి పిండిలో అత్యావశ్యకమైన అమైనో ఆసిడ్స్ పుష్కలంగా ఉంటాయి. వీటినే ఇంగ్లీషులో ఎసెన్షియల్ అమైనో (ఈఏ) అంటారు.
రాగి స్వీట్ తయారీకి కావల్సినవి
- రాగులు: కప్పు
- పాలు: అరకప్పు
- నూనె: రెండు టీస్పూన్లు
- గసగసాలు గసగసాలు: టీస్పూన్
- చక్కెర సరిపడా
తయారీ విధానం: రాగులను ముందురోజు రాత్రి నీటిలో నానబెట్టాలి. తర్వాత రోజు నీటిని వంపేసి రాగులను మెత్తగా రుబ్బాలి. బాగా మెత్తగా రుబ్బాక ఆ మిశ్రమాన్ని గట్టిగా పిండుకుంటే పాలు వస్తాయి. తర్వాత కొన్ని నీళ్లు చేర్చి మళ్లీ పిండిని రుచి పాలు తీసుకోవాలి. ఇలా దాదాపు అరకప్పు పాలు తీసుకోవాలి. ఇపుడు పాన్ వేడి చేసి పాలతో పాటు గసగసా లు తప్ప మిగిలిన పదార్థాలన్నీ తీసుకుని అడుగు అంటకుండా చిన్న మంటపై ఉంచి కలుపుతూ ఉంటే కాసేపటికి దగ్గరగా అవుతుంది. మిశ్రమం బాగా దగ్గరగా అయి చేతికి అంటుకోకుండా ఉన్నప్పుడు దింపేసి నూనె రాసిన పళ్లెంలోకి మార్చాలి. చల్లా రాక పైన గసగసాలు చల్లి .. నచ్చిన షేపులో కట్ చేయాలి. ఈ స్వీట్ కొన్ని రోజులు నిల్వ ఉంటుంది. పిల్లలు ఇష్టంగా ఉంటారు..
రాగి ఖీర్ తయారీకి కావలసినవి
రాగిపిండి: ఒకటిన్నర టేబుల్ స్పూన్
నెయ్యి :టేబుల్ స్పూన్
వేడి పాలు: ఒకటిన్నర కప్పు
చక్కర :పావు కప్పు
జీడిపప్పు: 5 లేదా 6
పిస్తా: 2 లేదా3
బాదం: 2 లేదా 3
కుంకుమ పువ్వు: కొంచెం
దాల్చిన చెక్క పొడి :కొంచెం
తయారీవిధానం : గిన్నెలో పాలు పోసి చిక్కబడే వరకు మరిగించి పక్కనపెట్టాలి. తర్వాతమందంగా ఉండేపాన్ తీసుకొని అందులో నెయ్యి వేడి వేయాలి. తర్వాత రాగిపిండి వేసిముద్దలు కట్టకుండా దాదాపు 30 నిమిషాలు వేగించాలి. తర్వాత ముందుగా మరిగించుకున్న పాలు (రెండు టేబుల్ స్పూన్లు) అందులో కలుపుతూ, చిక్కని మిశ్రమంతా చేయాలి. తర్వాత చక్కెరతో పాటు జీడిపప్పు, పిస్తా, బాదం పప్పులు వేసుకొని కలపాలి. చివరిగా దాల్చిన చెక్క పొడి, కుంకుమ పువ్వు వేసి మూడు నిమిషాలు స్టౌ పై మరిగిస్తే రాగి ఖీర్ రెడీ.
రాగి రెసిపి ఉపయోగాలు ఇవే
- రాగుల్లో పీచుపదార్థం అధిక శాతంలో ఉంటుంది. రాగితో చేసిన పదార్థాలు తొందరగా జీర్ణమవుతాయి. రాగి జావని డ్రెట్ లో చక్కగా ఉపయోగించుకోవచ్చు. శరీరంలో సత్తువ పెంచుతుంది. రాగిజావ ప్రతి రోజూ రాగి డైట్ ఫాలో అయితే బరువు సులువుగా తగ్గుతారు.
- రాగులంటే క్యాల్షియం ఖజానాగా చెప్పవచ్చు. ఈ ధాన్యం తింటే ఎముకల్లో పటుత్వం పెరుగుతుంది. అందుకే ప్రతిరోజూ రాగి సంగటి తినేవారు మిగతా వ్యక్తులతో పోలిస్తే కాస్త గట్టిగా ఉంటారు.
- బియ్యం, గోధుమలతో పోలిస్తే రాగుల్లో ఫైబర్ కంటెంట్ ఎక్కువ ఉంటుంది. రక్తంలో షుగర్ లెవల్స్ను కూడా రాగులు కంట్రోల్ చేస్తాయి. మధుమేహాన్ని అదుపులో ఉంచడంలో రాగుంది ప్రధాన పాత్ర. రాగులు వల్ల జుట్టు బాగా పెరుగుతుంది.
- రాగుల్లోని అమైనో ఆమ్లాల వల్ల శరీరంలోని కొవ్యు పదార్థాలు కరిగిపోతాయి. ముఖ్యంగా శరీరానికి హానిచేసే చెడు కొలెస్ట్రాల్ ను రాగులుపోగొడుతాయి. హైపర్టెన్షన్, బ్లడ్ ప్రెఫర్ ను ఇవి చక్కగా నియంత్రిస్తాయి.
- ఇందులో యాంటీ ఆక్సిడెంట్స్ ఉంటాయి. ముఖ్యంగా ట్రిప్టోపాన్ అమైనో యాసిడ్స్ వల్ల ఆందోళన, మానసిక ఒత్తిడి, మైగ్రేన్ తలనొ ప్పిలాంటివి దరి చేరవు. దీని వల్ల మానసిక ప్రశాంతత వస్తుంది.
- క్యాల్షియంతో పాటు ఐరన్, నియాసిన్, డయామిన్, రైబోప్లేవిన్ తో పాటు ముఖ్య మైన అమైనోయాసిడ్స్ ఉంటాయి. అందుకే రాగులతో చేసిన ఆహారం తినటం వల్ల కండరాలు గట్టిగా ఉంటాయి.
- రాగుల్లో ఐరన్ సమృద్ధిగా లభిస్తుంది. ఇది రక్తంలో హీమోగ్లోబిన్ శాతాన్ని పెంచుతుంది. తద్వారా రక్త ప్రసరణ సాఫీగా జరుగుతుంది...
- వయస్సుతో పాటు వచ్చే సమస్యలు.. త్వరగా వృద్ధాప్యం రాకుండా చూసుకోవచ్చు.
- ఎదిగే పిల్లలకు రాగిపిండితో చేసిన వంటకాలు ఇవ్వడం వల్ల బాగా, త్వరగా ఎత్తు పెరుగుతారు. యువకులు పెద్దవాళ్ల ఎముకల ఆరోగ్యంగా ఉండటానికి రాగులు సమర్థంగా పనిచేస్తాయి.
