- ల్యాండ్ రికార్డు సరిచేయమని అడిగినందుకు లంచం డిమాండ్
- రూ.8 వేలు తీసుకుంటుండగా పట్టుకున్న అధికారులు
నిజామాబాద్, వెలుగు : నిజామాబాద్ సౌత్ తహసీల్ఆఫీస్లో ఆర్ఐగా పనిచేస్తున్న రాజు గురువారం ఏసీబీకి చిక్కాడు. భూ రికార్డు సరిచేయాలని కోరిన రైతు నుంచి రూ.8 వేల లంచం తీసుకుంటూ రెడ్హ్యాండెడ్గా దొరికాడు. నగరానికి చెందిన బంటు రామరాజు అనే రైతుకు చెందిన సర్వే నంబర్లోని 16 గుంటల భూమి..ధరణిలో గవర్నమెంట్ల్యాండ్గా నమోదైంది. తన పట్టాభూమిని నిషేధిత జాబితా నుంచి తీసేయాలని రామరాజు ఆర్ఐ రాజును సంప్రదించగా రూ.20 వేలు డిమాండ్చేశారు. ఆర్ఐ వద్ద ప్రైవేటు సహాయకుడిగా పనిచేసే హరీశ్ఈ ఇద్దరి మధ్య బేరం కుదిర్చాడు.
రెవెన్యూశాఖ తప్పిదాన్ని సరిచేయమని కోరగా, లంచం అడుగుతున్నారని పట్టాదారు రామరాజు ఏసీబీని ఆశ్రయించాడు. వారి సూచనల ప్రకారం..రూ.8 వేల నగదును కవర్లో పెట్టి ఆర్ఐకి ఇవ్వగా ఏసీబీ డీఎస్పీ ఆనంద్కుమార్, సీఐ నగేశ్నేతృత్వంలో రైడ్చేశారు. నగదు స్వాధీనం చేసుకొని తహసీల్దార్ఆఫీసులో సోదాలు చేశారు. ఆర్ఐ రాజు, అతడి ప్రైవేట్సహాయకుడు హరీశ్పై కేసు నమోదు చేస్తున్నట్లు డీఎస్పీ అనిల్కుమార్తెలిపారు.
ALSO READ : అఫిడవిట్ ఖర్చులపై నజర్
నాలుగేండ్ల కింద సౌత్తహసీల్దార్ఆఫీసులో ఆర్ఐగా చేరిన రాజుపై అనేక అవినీతి ఆరోపణలున్నాయి. ఒక రాజకీయ నేత అండతో ఆఫీసర్లను లెక్కచేయకుండా పనిచేశారన్న ప్రచారం జరిగింది. ఆయనను ట్రాన్స్ఫర్ చేయాలని ఆర్డీవో సహా తహసీల్దార్కలెక్టర్ను కోరడం గమనార్హం.
