బషీర్ బాగ్/ముషీరాబాద్, వెలుగు : తెలంగాణ పబ్లిక్ సర్వీస్ కమిషన్ చైర్మన్ మహేందర్ రెడ్డిని రాజ్యసభ సభ్యుడు ఆర్.కృష్ణయ్య శుక్రవారం కలిశారు. గ్రూపు-1, 2, 3, 4లోని డైరెక్ట్ రిక్రూట్ మెంట్ కోటాను పూర్తి స్థాయిలో భర్తీ చేయాలని కోరారు. కొత్తగా ఏర్పడిన జిల్లాల్లో చాలా ఖాళీలు ఉన్నాయని చెప్పారు. గడిచిన పదేండ్లలో ఎంతమంది రిటైర్అయ్యారో లెక్కలు తీయాలన్నారు.
ఆయన వెంట బీసీ నాయకులు ఉన్నారు. అలాగే రాష్ట్రంలో అదనంగా 112 గురుకులాలను మంజూరు చేయాలని ఆర్.కృష్ణయ్య డిమాండ్ చేశారు. శుక్రవారం విద్యానగర్ బీసీ భవన్ లో ఆయన మాట్లాడారు. విద్యాశాఖకు మంత్రిని కేటాయించాలని కోరారు.
