Ram Charan-: 'పెద్ది' సెట్‌లో హై-వోల్టేజ్ యాక్షన్.. రామ్ చరణ్-శివన్న ఉగ్ర రూపం!

Ram Charan-: 'పెద్ది' సెట్‌లో హై-వోల్టేజ్ యాక్షన్.. రామ్ చరణ్-శివన్న ఉగ్ర రూపం!

మెగా పవర్ స్టార్ రామ్ చరణ్, 'ఉప్పెన' ఫేమ్ బుచ్చిబాబు సానా దర్శకత్వంలో వస్తున్న మాస్ రూరల్ యాక్షన్ డ్రామా చిత్రం ' పెద్ది'.  ఈ మూవీపై రోజు రోజుకు అంచనాలు రెట్టింపు అవుతున్నాయి. ఇప్పటికే విడుదలైన ఈ చిత్రం ఫస్ట్ లుక్ పోస్టర్లు, టీజర్ గ్లింప్స్ విశేషంగా ఆకట్టుకుంటున్నాయి. భారీ బడ్జెట్ తో తెరకెక్కిస్తున్న ఈ మూవీని వెంకట సతీష్ కిలారు నిర్మిస్తుండగా,  మైత్రి మూవీ మేకర్స్, సుకుమార్ రైటింగ్స్ సంయుక్తంగా సమర్పిస్తున్నారు.

రామచరణ్-శివన్న యాక్షన్ జాతర

ఈ 'పెద్ది' మూవీ లేటెస్ట్ గా ఒక కీలకమైన యాక్షన్ షెడ్యూల్ ను పూర్తి చేసుకోబోతుంది.హైదరాబాద్ లోని అల్యూమినియం ఫ్యాక్టరీలో వేసిన భారీ సెట్ లో రామ్ చరణ్ పై ఎంతో ఉద్విగ్నతతో  కూడిన యాక్షన్ సన్ననివేశాలను చిత్రీకరిస్తున్నట్లు సమాచారం. ఈ షెడ్యూలో అనేక మంది ఫైటర్లతో పాటు కన్నడ సూపర్ స్టార్ శివరాజ్ కుమార్ కూడా పాల్గొంటున్నారు. శివన్న కీలకపాత్ర పోషిస్తున్న ఈ యాక్షన్ ఎపిసోడ్ పై సినీ వర్గాల్లో బారీ అంచనాలు నెలకొన్నాయి. 

Also read:- రాజమౌళి ‘వారణాసి’ టైటిల్ ఇష్యూకి తెర పడినట్లే..

హై-ఇంటెన్సిటీ ఫైట్ సీక్వెన్స్‌

ఈ హై-ఇంటెన్సిటీ ఫైట్ సీక్వెన్స్‌కు బాలీవుడ్ నటుడు విక్కీ కౌశల్ తండ్రి, 'దంగల్' వంటి ఐకానిక్ చిత్రాలకు పనిచేసిన ప్రముఖ స్టంట్ డైరెక్టర్ శ్యామ్ కౌశల్ పర్యవేక్షిస్తున్నారు. నవకాంత్ స్టంట్ మాస్టర్‌గా వ్యవహరిస్తున్నారు. ఈ యాక్షన్ ఎపిసోడ్ సినిమాకే అతిపెద్ద హైలైట్‌గా నిలుస్తుందని మేకర్స్ నమ్ముతున్నారు. దర్శకుడు బుచ్చిబాబు సానా ప్రతి సన్నివేశంతో పాటు ప్రతి ఫైట్ బ్లాక్‌ను ప్రత్యేకమైన కాన్సెప్ట్‌తో డిజైన్ చేసి, ఉత్కంఠభరితంగా తెరకెక్కిస్తున్నారు.

'చికిరి చికిరి' రికార్డులు

ఈ సినిమాలో బాలీవుడ్ బ్యూటీ జాన్వీ కపూర్ కథానాయికగా నటిస్తుండగా, జగపతి బాబు, దివ్యేందు శర్మ వంటి ప్రముఖ నటులు ముఖ్య పాత్రలు పోషిస్తున్నారు. ఈ మూవీ నుంచి ఇప్పటికే విడుదలైన తొలి పాట 'చికిరి చికిరి' ప్రపంచవ్యాప్తంగా 110 మిలియన్ల వ్యూస్ మార్క్‌ను దాటి, అనూహ్యమైన స్పందనతో ఈ సంవత్సరపు బిగ్గెస్ట్ చార్ట్‌బస్టర్‌లలో ఒకటిగా నిలిచింది. ఈ పాట గ్లోబల్‌గా ట్రెండింగ్‌లో ఉంది. ఈ సాంగ్ తో మరింత అంచాలను పెంచింది. 'పెద్ది' చిత్రానికి ఆస్కార్ విజేత ఏ.ఆర్. రెహమాన్ సంగీతం అందిస్తుండగా, కెమెరాను ఆర్. రత్నవేలు, ఎడిటింగ్‌ను జాతీయ అవార్డు గ్రహీత నవీన్ నూలి పర్యవేక్షిస్తున్నారు. ఈ ప్రతిష్టాత్మక చిత్రం మార్చి 27, 2026న గ్రాండ్‌గా పాన్-ఇండియా స్థాయిలో విడుదల కానుంది. మరి బాక్సాఫీస్ వద్ద ఎలాంటి రికార్డులు సృష్టిస్తుందో చూడాలి.