దర్శకదీరుడు ఎస్.ఎస్.రాజమౌళి, సూపర్ స్టార్ మహేష్ బాబు కాంబోలో వస్తున్న ప్రెస్టీజియస్ ఫిల్మ్"వారణాసి" (Varanasi). భారీ బడ్జెట్ తో వస్తున్న ఈ మూవీ కోసం వరల్డ్ వైడ్ ఆడియన్స్ ఆసక్తిగా ఎదురుచూస్తున్నారు. ఇటీవల జక్కన్న "వారణాసి" టైటిల్ ప్రకటించిన విషయం తెలిసిందే.
అయితే, ఈ సినిమా టైటిల్ తమ వద్ద ఇప్పటికే రిజిస్టర్ అయి ఉందని మరో నిర్మాణ సంస్థ (రామభక్త హనుమ నిర్మాణ సంస్థ) ఫిలిం ఛాంబర్లో కంప్లైంట్ చేసింది. మా సినిమా టైటిల్ని రాజమౌళి-మహేష్ సినిమాకి వాడడం అన్యాయమంటూ నిర్మాత చిర్రపురెడ్డి సుబ్బారెడ్డి, నిర్మాతల మండలిని ఆశ్రయించి సమస్యను చెప్పుకున్నాడు. ఈ క్రమంలో "వారణాసి" టైటిల్ వివాదం ఇన్ని రోజులు పాటు కొనసాగుతూ వచ్చింది. చివరికి ఈ టైటిల్ వివాదానికి తెరపడినట్లేనని సినీ వర్గాల నుంచి సమాచారం.
లేటెస్ట్ విషయానికి వస్తే.. రామభక్త హనుమ నిర్మాణ సంస్థ "వారణాసి" అనే టైటిల్ని తెలుగులో మాత్రమే రిజిస్టర్ చేసుకున్నట్లు తెలుస్తోంది. అందువల్ల రాజమౌళి బృందం తమ టైటిల్లో చిన్న మార్పు చేయనున్నట్లు సినీ వర్గాల టాక్. దాదాపు 100కి పైగా భాషల్లో రిలీజ్ కానున్న వారాణసి మూవీని తెలుగు టైటిల్లో చిన్న మార్పు చేసినట్లు టాక్. ‘రాజమౌళి వారణాసి’ పేరుతో తెలుగులో రిలీజ్ చేయనున్నట్లు సినీ వర్గాల సమాచారం. మిగిలిన అన్ని ఇతర భాషల్లో కూడా ‘వారణాసి’ పేరుతోనీ రీలిజ్ అవ్వనున్నట్లు కొత్త టాక్ వినిపిస్తోంది. అయితే, ఈ విషయంపైనా ఇరువురి మేకర్స్ నుంచి అధికారిక ప్రకటన వెలువడాల్సి ఉంది.
Mahesh Babu as RUDHRA in #VARANASI. pic.twitter.com/YMUjnnytWX
— rajamouli ss (@ssrajamouli) November 15, 2025
ఆంజనేయుడిపై వ్యాఖ్యల వివాదం..
'వారణాసి' టైటిల్ వివాదం ఒకవైపు ఉండగానే.. ప్రారంభోత్సవ కార్యక్రమంలో చేసిన రాజమౌళి చేసిన కొన్ని వ్యాఖ్యలు మరో పెద్ద వివాదానికి దారితీశాయి. సినిమా లాంచ్ ఈవెంట్‌లో ఆయన ఆంజనేయుడిని ఉద్దేశించి చేసిన వ్యాఖ్యలు కొన్ని హిందూ సంఘాల నుంచి తీవ్ర విమర్శలు ఎదుర్కొంటున్నాయి. వనరసేన, గౌరక్షక్ సంఘ్ వంటి సంస్థలు లిఖితపూర్వక ఫిర్యాదులు సమర్పించాయి. రాజమౌళి ఉద్దేశపూర్వకంగానే హిందూ దేవతలను అవమానించారని, మత విద్వేషాలను రెచ్చగొట్టే ఈ వ్యాఖ్యలు ఉన్నాయని వారు ఆరోపించారు. ఇలా ఈ టైటిల్ వివాదం ఇన్ని రోజులు పాటు కొనసాగుతూ వచ్చింది.
ఏది ఏమైనా, రాజమౌళి, మహేష్ బాబు కాంబో సినిమా చుట్టూ ప్రారంభంలోనే ఇంతటి వివాదాలు చుట్టుముట్టడం అభిమానులను ఆందోళనకు గురిచేస్తోంది. భారీ అంచనాలతో రూపొందుతున్న ఈ చిత్రం 2027 వేసవిలో థియేటర్లలోకి వచ్చే అవకాశం ఉంది.
