తెలంగాణా రాష్ట్రం(Talangana state) అన్ని రంగాల్లో అభివృద్ధి సాధించింది. బంగారు తెలంగాణ కల నిజం చేసుకుంటున్నాం అంటూ ట్వీట్ చేశాడు మెగా పవర్ స్టార్ రామ్ చరణ్(Ram charan ). జూన్ 2 తెలంగాణ రాష్ట్ర ఆవిర్భావ దినోత్సవం(Telangana formationday ) సందర్భంగా రాష్ట్ర ప్రజలకు ప్రజలకు శుభాకాంక్షలు తెలిపాడు రామ్ చరణ్.
ఇందులో భాగంగా.. "తెలంగాణ రాష్ట్రం ఏర్పాటై పదేళ్లు అవుతోంది. ఈ పదేళ్లలో అన్ని రంగాలలో అభివృద్ధి సాధించి, బంగారు తెలంగాణ కల నిజం చేసుకుంటున్నాం. తెలంగాణ బ్రదర్స్ అండ్ సిస్టర్స్ అందరికి నా శుభాకాంక్షలు’ అని రామ్ చరణ్ ట్వీట్ చేశాడు. ప్రస్తుతం రామ్ చరణ్ చేసిన ఈ ట్వీట్ సోషల్ మీడియాలో వైరల్ గా మారింది.
ఇక తెలంగాణ రాష్ట్రం పదో వసంతంలోకి అడుగుపెట్టిన సందర్భంగా రాష్ట ప్రభుత్వం తెలంగాణ దశాబ్ది ఉత్సవాలను ఘనంగా నిర్వహిస్తోంది. 21 రోజుల పాటు జరగనున్న ఈ వేడుకల్లో రోజుకో రంగం చొప్పున ప్రత్యేక కార్యక్రమాలతో దశాబ్ది ఉత్సవాలు నిర్వహించనుంది రాష్ట్ర ప్రభుత్వం.
