- పెండింగ్లో మరో రూ.50 లక్షలు
- రికార్డు అసిస్టెంట్ సస్పెన్షన్?
- వీ6 వెలుగు కథనానికి స్పందన
జగిత్యాల, వెలుగు : జగిత్యాలలోని తెలంగాణ వైద్య విధాన పరిషత్లో పని చేసే ఉద్యోగుల ఖాతాల్లో వేయాల్సిన నిధులను పక్కదారి పట్టించిన ఘటనను అధికారులు సీరియస్గా తీసుకున్నారు. ‘వీ6 వెలుగు’లో మంగళవారం ‘జగిత్యాల వైద్య విధాన పరిషత్ లో రూ.50 లక్షలు పక్కదారి’ అనే హెడ్డింగ్తో కథనం పబ్లిష్ కాగా, ఆఫీసర్లు స్పందించి విచారణ జరిపారు. డీసీహెచ్ఎస్సుదక్షిణా దేవి, ఆర్ఎంవో రామకృష్ణ ఆఫీసర్లతో కలిసి మంగళవారం రికార్డులు పరిశీలించారు.
మాయమైన నిధులు రూ. కోటి వరకు ఉన్నట్టు తేలగా, ఆ నిధులను మళ్లించినట్టు ఆరోపణలు ఎదుర్కొంటున్న ఆఫీస్ సబార్డినేట్ నుంచి రూ.50 లక్షల వరకు రికవరీ చేసినట్టు తెలిసింది. పూర్తి ఎంక్వైరీ తర్వాత ఎంత డబ్బు దారి మళ్లింది అన్నది తెలుస్తుందని అధికారులు చెప్పారు. ఈ క్రమంలో బాధ్యుడైన రికార్డు అసిస్టెంట్ ను డీసీహెచ్ఎస్ సస్పెండ్ చేసినట్టు సమాచారం.
