రిటైల్ మార్కెట్లో కిలో కందిపప్పు రూ.200కు చేరింది. సూపర్ మార్కెట్లు, మాల్స్లో ఇంకో ఇరవై రూపాయలు ఎక్కువే ఉంది. ఇప్పటికే బియ్యం ధరలు విపరీతంగా పెరిగి సామాన్యులు ఇబ్బంది పడుతుంటే.. ఇప్పుడు కందిపప్పు ధర మరింత భారంగా మారింది. వచ్చే రెండు మూడు నెలల్లో కందిపప్పు ధర ఇంకా పెరగొచ్చని హోల్సేల్ వ్యాపారులు చెబుతున్నారు. గతేడాది ఇదే సీజన్లో కిలో కందిపప్పు రూ.80 నుంచి రూ. 100 వరకు ఉంది. ఈసారి అది డబుల్ అయింది.
హైదరాబాద్, వెలుగు: కంది పప్పు పిరమైంది. రిటైల్ మార్కెట్లో కిలో రూ.200 పలుకుతున్నది. సూపర్ మార్కెట్లు, మాల్స్ లో ఈ ధర ఇంకాస్త ఎక్కువే ఉంది. హైదరాబాద్లో హోల్సేల్ మార్కెట్లయిన బేగం బజార్, దాల్మార్కెట్, సికింద్రాబాద్లో కిలో ధర రూ.170 నుంచి 180 వరకు పలుకుతోంది. ఇక్కడి నుంచి కొనుక్కుని వెళ్తున్న వ్యాపారులు కిలోకు ఇరవై రూపాయలు పెంచి అమ్ముతున్నారు. వచ్చే రెండు మూడు నెలల్లో కంది పప్పు ధర మరింత పెరిగే అవకాశం ఉండొచ్చని హోల్సేల్ వ్యాపారులు చెబుతున్నారు. గత ఏడాది ఇదే సీజన్లో కిలో కంది పప్పు రూ.80 నుంచి రూ. 100 వరకు ఉంది. ఈ సారి అది డబుల్ అయింది.
ALSO READ: శానిటేషన్ వర్కర్లకు గుండె జబ్బుల ముప్పు.. జీహెచ్‌ఎంసీలో 27% మందికి హార్ట్ ప్రాబ్లమ్
దిగుబడి లేక.. ఆంక్షలు ఎక్కువై..
రాష్ట్రంలో పంట దిగుబడి తగ్గిపోవడం, కెన్యా, మయన్మార్, టాంజానియా, సూడాన్ వంటి దేశాల నుంచి కంది పప్పు దిగుమతిపై ప్రభుత్వం పన్నులు పెంచడంతో రేట్లు పెరిగాయని వ్యాపారులు చెబుతున్నారు. ముఖ్యంగా కిలో నుంచి 25 కేజీల ప్యాకింగ్పై 5 శాతం జీఎస్టీ విధిస్తున్నారని, ఇది వ్యాపారులకు నష్టం కలిగిస్తున్నదని తెలంగాణ దాల్మిల్లర్స్ అసోసియేషన్ అధ్యక్షుడు మధుసూదన్ తెలిపారు. ఏ మిల్లరైనా ఒక నెలలో తన వద్ద ఉన్న స్టాక్ పూర్తయ్యే వరకు కొత్తగా కందులను తీసుకోరాదన్న నిబంధన కూడా రేట్లు పెరగడానికి కారణమని అన్నారు. ఈ రూల్వల్ల ఎక్కువ సరుకును విదేశాల నుంచి దిగుమతి చేసుకునే అవకాశం ఉండడం లేదని చెబుతున్నారు.
