కామారెడ్డి టౌన్, వెలుగు: రాష్ట్రంలో ప్రభుత్వం మారితే తప్పా యువత బతుకులు బాగుపడవని కామారెడ్డి జిల్లా విద్యార్థి సంఘాల ప్రతినిధులు పేర్కొన్నారు. గురువారం జిల్లా కేంద్రంలో వారు మాట్లాడుతూ.. గడిచిన పదేండ్లలో నిరుద్యోగులు, విద్యార్థులు, యువకులు ఎన్నో ఇబ్బందులు ఎదుర్కొన్నారన్నారు. ఉద్యోగ నోటిఫికేషన్లు, ఫీజు రియంబర్స్మెంట్ ఇవ్వడం లేదన్నారు.
టీఎస్పీఎస్సీ పేపర్ల లీకేజీలతో రాష్ట్ర ప్రభుత్వ ప్రతిష్ట అబాసు పాలైందన్నారు. నిరుద్యోగ భృతి హామీని కూడా బీఆర్ఎస్ ప్రభుత్వం నెరవేర్చలేదన్నారు. కామారెడ్డిలో కేసీఆర్ను ఓడించి ఉద్యమ గడ్డ రుచిచూపించాలన్నారు. విద్యార్థి సంఘాల ప్రతినిధులు లక్ష్మణ్ యాదవ్, సురేశ్, ఐరేని సందీప్, అరుణ్, విఠల్, జబ్బార్, రోషణ్, భరత్, శ్యాంసుందర్ తదితరులు పాల్గొన్నారు.
