వర్ధన్నపేట/ నర్సింహులపేట (దంతాలపల్లి)/ పరకాల/ స్టేషన్ఘన్పూర్/ రేగొండ, వెలుగు: భూభారతి చట్టంతో రైతులకు ఎంతో మేలు కలుగుతుందని వర్ధన్నపేట ఎమ్మెల్యే నాగరాజు అన్నారు. భూభారతి అమలులో భాగంగా సోమవారం వరంగల్జిల్లా వర్ధన్నపేట మండలం బండవుతాపురం, కొత్తపల్లి గ్రామాల్లో నిర్వహించిన రెవెన్యూ సదస్సులో కలెక్టర్ సత్యశారదతో కలిసి ఎమ్మెల్యే పాల్గొన్నారు. రెండు గ్రామాల్లో కలిపి 149 దరఖాస్తులు వచ్చాయని వెంటనే పరిష్కరించేందుకు చర్యలు తీసుకున్నామని ఎమ్మార్వో విజయసాగర్ తెలిపారు. మహబూబాబాద్ జిల్లా దంతాలపల్లి మండలం పెద్ద ముప్పారం, ఆగపేట, రామవరం మేఘతండా, దుబ్బతండా గ్రామాల్లో నిర్వహించిన రెవెన్యూ సదస్సును కలెక్టర్ అద్వైత్ కుమార్ సింగ్ సందర్శించారు.
ప్రజల నుంచి వచ్చిన దరఖాస్తులను వెంటనే పరిష్కరించాలని సూచించారు. కాగా, పెద్దముప్పారంలో 116, అగపేటలో 13 దరఖాస్తులు వచ్చాయని ఆర్డీవో గణేశ్, తహసీల్దార్ సునీల్రెడ్డి తెలిపారు. హనుమకొండ జిల్లా నడికూడ మండలం ధర్మారంలో నిర్వహించిన 53, చౌటుపర్తిలో 51 దరఖాస్తులు వచ్చాయని తహసీల్దార్ నాగరాజు తెలిపారు. జనగామ జిల్లా స్టేషన్ఘన్పూర్మండలం కొత్తపల్లి, విశ్వనాథపురం గ్రామాల్లో నిర్వహించిన రెవెన్యూ సదస్సును కలెక్టర్ రిజ్వాన్ బాషా షేక్ అడిషనల్ కలెక్టర్ రోహిత్ సింగ్తో కలిసి సందర్శించారు. జయశంకర్ భూపాలపల్లి జిల్లా రేగొండ మండలం లింగాల, కొటంచ గ్రామాల్లో నిర్వహించిన సదస్సును ఎమ్మెల్యే గండ్ర సత్యనారాయణరావు ప్రారంభించారు. రైతులు రెవెన్యూ సదస్సులను సద్వినియోగం చేసుకోవాలని సూచించారు.
