వరంగల్ జిల్లాలో రోడ్డు ప్రమాదం సంభవించింది. ఆర్టీసీ బస్సు, కంటైనర్ లారీ ఢీకొట్టడంతో ప్రమాదం జరిగింది. బస్సు ఎడమవైపు ముందు భాగం.. లారీ కుడివైపు ముందు భాగం ఢీకొన్నాయి. రాయపర్తి మండలం మైలారం దగ్గర జరిగిన ఈ రోడ్డు ప్రమాదంలో పలువురు తీవ్రంగా గాయపడ్డారు.
ఆర్టీసీ బస్సును కంటైనర్ లారీ ఢీకొట్టడంతో ప్రమాదం జరిగింది. ఈ ప్రమాదంలో బస్సులో ప్రయాణిస్తున్న పదిమందికి గాయాలయ్యాయి. వర్ధన్నపేట ఏరియా ఆసుపత్రికి తరలించి చికిత్స అందిస్తున్నారు.
మైలారం దగ్గర వెళ్తున్న బస్సును వేగంగా రోడ్డు ఎక్కబోయిన లారీ ఢీకొట్టింది. దీంతో ఈ ప్రమాదం జరిగింది. బస్సు డ్రైవర్ అప్రమత్తతతో పెను ప్రమాదం తప్పింది. ఈ ప్రమాదంలో ప్రయాణికులు గాయపడ్డారు. ప్రాణనష్టం లేకపోవడంతో పోలీసులు ఊపిరి పీల్చుకున్నారు.
