ములుగు జిల్లా వెంకటాపురం మండలం ఎదిర గ్రామంలోని ప్రాథమిక పాఠశాలలో ప్రమాదం చోటుచేసుకుంది. క్లాసులు నడుస్తుండగా.. ఒక్కసారిగా బిల్డింగ్ పైకప్పు పెచ్చులూడి పడ్డాయి. దీంతో ముగ్గురు చిన్నారులకు గాయాలయ్యాయి. వెంటనే విద్యార్థులను ఎదిర ప్రైమరీ హాస్పిటల్కు తరలించారు.
గాయపడ్డ వారిలో ఓ బాలిక, ఇద్దరు బాలురు ఉన్నారు. చిన్నారుల తలకు, ముఖం భాగంలో గాయాలయ్యాయి. వీరికి ప్రాణపాయం లేదని ట్రీట్మెంట్ అందిస్తున్నట్లు డాక్టర్లు చెప్పారు. ప్రభుత్వం నిర్లక్ష్యం వల్లే ప్రమాదం జరిగిందని..ఇప్పటికైనా సరైన చర్యలు చేపట్టాలని విద్యార్థులు తల్లిదండ్రులు మండిపడ్డారు.
