పెట్ లవర్స్ కి గుడ్ న్యూస్. ‘సంవత్సరానికి 29 లక్షల జీతాన్ని ఇస్తాం..ప్యాషనేట్ డాగ్ వాకర్ కావాలి..’ అంటూ లండన్ కు చెందిన జోసఫ్ హేజ్ ఆరోన్సన్ అనే లా ఫర్మ్ కంపెనీ ఒక యాడ్ ఇచ్చింది. ఈ సంస్థలోని ఓ సీనియర్ అధికారికి చెందిన కుక్కను వాకింగ్ కు తీసుకెళ్లేందుకు మనిషి కావాలనేది ఆ యాడ్ సారాంశం. ఉదయం సాయంత్రం వేళల్లో కుక్కను వాకింగ్ కు తీసుకెళ్లాలి. దీనికోసం సంవత్సరానికి 30 వేల పౌండ్లు జీతం. ఆడామగా ఎవరైనా సరే ఈ జాబ్ కు అప్లై చేసుకోవచ్చు. కాకపోతే అప్లై చేసుకునేవాళ్లు పెట్ లవర్స్ అయి ఉండాలి. అలాగే యాక్టివ్ గానూ ఉండాలట. ఎందుకంటే ఈ కుక్కను ఎక్కువగా వాకింగ్ కోసం బయటకు తీసుకెళ్ళాలి. దాంతోపాటు ఈ కంపెనీ ఇంకో ఆఫర్ కూడా ఇచ్చింది. అదేంటంటే పెన్షన్, లైఫ్ ఇన్సూరెన్స్, డెంటల్ ఇన్సూరెన్స్ ఫెసిలిటీస్ కూడా ఇస్తామని చెప్పింది. వీకెండ్ లో శని, ఆదివారాలు సెలవులు తీసుకోవచ్చు. అయితే ఇంత మంచి ఆఫర్ ను ఎవరైనా వదులుకుంటారా? అందుకే ఈ జాబ్ కోసం ఇప్పటివరకూ కొన్ని వేల అప్లికేషన్స్ వచ్చాయట. ఎవరిని ఆ 29 లక్షల జీతం ఆఫర్ వరిస్తుందో మరి!
For More News..
