- రూ.1.25 లక్షల కోట్లు అవినీతి చేసిండు
- కాంట్రాక్టులన్నీ దొరలకే ఇచ్చిండు
- మళ్లీ ఈ దొంగల ముఠా ఓట్ల కోసం వస్తున్నరు జాగ్రత్త
- బీఎస్పీ స్టేట్ చీఫ్ఆర్ఎస్ ప్రవీణ్కుమార్
పెద్దపల్లి, వెలుగు: బీఎస్పీ సర్కార్ వస్తే సీఎం కేసీఆర్ను ఎరవెల్లి ఫాంహౌజ్ నుంచి చర్లపల్లి జైలుకు పంపిస్తామని బీఎస్పీ రాష్ట్ర అధ్యక్షుడు ఆర్ఎస్ ప్రవీణ్కుమార్ అన్నారు. పెద్దపల్లి జిల్లా కేంద్రంలో ఆదివారం ఏర్పాటు చేసిన బహిరంగసభలో ప్రవీణ్కుమార్ మాట్లాడారు. రూ. 1.25 లక్షల కోట్ల అవినీతి చేసిన కేసీఆర్, కేటీఆర్, హరీశ్రావు, కవితల దొంగల ముఠా మళ్లీ ఓట్ల కోసం వస్తోందన్నారు.
తెలంగాణ ప్రజలు ఆలోచించి ఓటు వేయాలని, మరోసారి మోసపోవద్దన్నారు. రాష్ట్రం ఏర్పాటైనప్పుడు సర్ప్లస్ స్టేట్గా ఉండేదని, కేసీఆర్అప్పుల పాలు చేసిండనన్నారు. కేసీఆర్ పాలనకు మేడిగడ్డ బ్యారేజీ దుస్థితే నిదర్శనమన్నారు. రాష్ట్రంలో దొరల పాలనకు చరమగీతం పాడాలన్నారు. నూటికి తొంబై మంది ఉన్న బహుజనులు రాజ్యాధికారం సాధిస్తేనే న్యాయం జరుగుతుందన్నారు. సర్కార్ ఇచ్చే తాయిలాలు ప్రజలు కోరుకోవడం లేదని, ప్రజలు న్యాయం కోరుకుంటున్నారన్నారు. బాంచన్ కాళ్లు మొక్కుతా అనే పరిస్థితి నుంచి బయటకు రావాలన్నారు.
రాష్ట్రంలో జరుగుతున్న ప్రతి పనిలో కాంట్రాక్టర్లంతా కేసీఆర్కు కుటుంబానికి సంబంధించిన దొరలే అని అన్నారు. బీఎస్పీ అభ్యర్థులను గెలిపిస్తే నిత్యం ప్రజ ల్లో ఉంటారని, కేసీఆర్ కుటుంబం లాగా గడీలలో ఉండరన్నారు. తర్వాత నిర్వహించిన ర్యాలీలో ప్రవీణ్కుమార్ తో పాటు పెద్దపల్లి ఎమ్మెల్యే అభ్యర్థి దాసరి ఉష, నాయకులు ఈర్ల కొమురయ్య పాల్గొన్నారు.
