అశ్వారావుపేట, వెలుగు : ఆర్టీసీ బస్సు డ్రైవర్ సమయస్ఫూర్తితో తృటిలో ప్రమాదం తప్పింది. ప్రయాణికులు తెలిపిన ప్రకారం 42 మంది ప్యాసింజర్స్తో సత్తుపల్లి నుంచి అశ్వారావుపేటకు ఆర్టీసీ బస్సు బయలుదేరింది. అచ్యుతాపురం సమీపంలో ఎదురుగా వస్తున్న లారీని తప్పించబోయి అదుపుతప్పి రోడ్డు పక్కకు దూసుకుపోయింది.
ప్రయాణికులు ప్రాణ భయంతో వెంటనే కిటికీల నుంచి బయటకు దూకారు. ఈ ఘటనలో ఎవరికీ గాయాలు కాలేదు. డ్రైవర్ చాకచక్యంగా రోడ్డు పక్కకు బస్సును దింపకపోతే లారీ ఢీకొని పెద్ద ప్రమాదమే జరిగి ఉండేదని ప్రయాణికులు చెబుతున్నారు.
