- హైదరాబాద్ పరిధిలోని ప్రయాణికులకు ఆర్టీసీ ఆఫర్
- పెట్రోల్, డీజిల్ కొరత పుకార్ల నేపథ్యంలో
- నిర్ణయం: ఆర్టీసీ ఎండీ నాగిరెడ్డి
హైదరాబాద్, వెలుగు: హైదరాబాద్ సిటీలో పెట్రోల్, డీజిల్ కొరత ఉందంటూ పుకార్లు వ్యాపించడం, బంక్ల వద్ద పెద్ద సంఖ్యలో వాహనదారులు ఇబ్బంది పడుతుండడాన్ని దృష్టిలో ఉంచుకొని ఆర్టీసీ కీలక నిర్ణయం తీసుకుంది. హైదరాబాద్ పరిధిలోని ఏసీ, డీలక్స్ బస్సుల్లో ప్రయాణించే వారికి 30 శాతం రాయితీ ఇస్తున్నట్లు ఆ సంస్థ ఎండీ నాగిరెడ్డి బుధవారం ప్రకటించారు. బైకులు, కార్లపై ఆఫీసులకు వెళ్లే వాళ్లు ఈ ఆఫర్ను వినియోగించుకోవాలని సూచించారు. ఆర్టీసీ బస్సు ప్రయాణంతో సమయం, ఇంధనం.. రెండూ ఆదా అవుతాయని పేర్కొన్నారు. రోడ్లపై ట్రాఫిక్ ఇబ్బందులు తప్పుతాయని, కాలుష్యం నుంచి కూడా దూరంగా ఉండొచ్చని తెలిపారు.
