కర్నూలు జిల్లా పోలీసు వాట్సప్ గ్రూప్ లో ఎస్సై మెస్సేజ్ కలకలం రేపుతోంది. ఇదే లాస్ట్ మెస్సేజ్ అంటూ శనివారం రాత్రి రుద్రవరం ఎస్ ఐ విష్ణు నారాయణ మెస్సేజ్ పెట్టి కనిపించకుండా పోయారు. విధుల పట్ల నిర్లక్ష్యంగా వ్యవహరించారని హెడ్ క్వార్టర్ కు రమ్మని ఉన్నతాధికారులు పిలిచారు. దీంతో మనస్తాపం చెందిన ఎస్ ఐ విష్ణు నారాయణ గ్రూప్ లో మెస్సేజ్ పెట్టారు. ఈ మెస్సేజ్ చూసిన ఎస్పీ అర్థరాత్రి ఎస్ ఐ ఇంటికి వెళ్లి సముదాయించారు. అయితే ఇవాళ ఉదయం నుంచి ఎస్ ఐ కనిపించకుండా పోయారు. ఎస్ ఐ నారాయణ కోసం పోలీసులు గాలిస్తున్నారు.
