మాస్కో: గూగుల్కు రష్యా కోర్టు గురువారం 3 మిలియన్ల రూబుల్స్ (32,000 యూఎస్డాలర్లు) ఫైన్ విధించింది. ఉక్రెయిన్ యుద్ధానికి సంబంధించి ఫేక్ వీడియోలను తొలగించడంలో గూగుల్ విఫలమైందని కోర్టు ఆరోపించింది. ఈ నెల ప్రారంభంలో యాపిల్, వికీమీడియా ఫౌండేషన్ ఆధ్వర్యంలోని వికీపీడియాపై కూడా మేజిస్ట్రేట్ కోర్టు ఈ చర్యలు తీసుకుంది. తాజాగా సెర్చ్ ఇంజిన్ దిగ్గజం గూగుల్పై కోర్టు చర్యలు తీసుకుంది. రష్యా న్యూస్ నివేదికల ప్రకారం.. గూగుల్ యాజమాన్యంలోని యూట్యూబ్ వీడియో సర్వీస్లో రష్యా–ఉక్రెయిన్ యుద్ధానికి సంబంధించిన ఫేక్ వీడియోలు ఉన్నాయి. వీటిని తొలగించకపోవడంతో కోర్టు గూగుల్ను దోషిగా తేల్చింది. వీడియోలను తొలగించకుండా, మైనర్లు ఓపెన్ చేయకుండా తగిన చర్యలు తీసుకోవడంలో గూగుల్ విఫలమైందని న్యూస్ ఏజెన్సీలు తెలిపాయి. కాగా, ఉక్రెయిన్ పై దాడిని ప్రత్యేక మిలిటరీ ఆపరేషన్గా రష్యా వ్యవహరిస్తోంది.
