కందనూలు, వెలుగు: మహిళలు, యువతులకు ఎలాంటి సమస్యలున్నా పోలీసులను సంప్రదించాలని నాగర్ కర్నూల్ జిల్లా షీ టీమ్స్ ఇన్చార్జి, అడిషనల్ ఎస్పీ సీహెచ్ రామేశ్వర్ అన్నారు. గురువారం బిజినేపల్లి మండల కేంద్రంలో జడ్పీహెచ్ఎస్ బాలికల ఉన్నత పాఠశాలలో విద్యార్థులకు ర్యాగింగ్, ఈవ్టిజింగ్, పోక్సో, షీటీం, యాంటీ ఉమెన్ ట్రాఫికింగ్ పై అవగాహన కల్పించారు.
చిన్న పిల్లల రక్షణ విషయంలో పోలీసు శాఖ చర్యలు చేపడుతుందన్నారు. మహిళలు ఫేస్ బుక్, వాట్సాప్ వినియోగంలో జాగ్రత్తగా ఉండాలన్నారు. ఫొటో లు, వీడియోలు పోస్టుచేసే సమయంలో జాగ్రత్తగా ఉండాలన్నారు. ఏ సమస్యలున్నా నేరుగా సంప్రదించలేని వారు 8712657676, లేదా డయల్ 100కు సమాచారం అందించాలని తెలిపారు. ఈ కార్యక్రమంలో ఎస్ ఐ నాగ శేఖర్ రెడ్డి, షీ టీమ్ ఇన్చార్జి విజయలక్ష్మి , హెడ్ మాస్టర్ శ్రీదేవి,విద్యార్థులు పాల్గొన్నారు.
