ప్రస్తుతం సినిమా ఇండస్ట్రీలో సాయి పల్లవికి ఉన్న క్రేజ్ వేరు. ఫ్యాన్స్ కూడా ఆమెను మిగతా హీరోయిన్లలా కాకుండా చాలా ప్రత్యేకంగా చూస్తారు. దానికి కారణం.. ఆమె ఎంచుకునే పాత్రలు, అందులో ఆమె కనబరిచే నటన. ఈ రెండు క్వాలిటీస్ ఆమెను ప్రత్యేకంగా మార్చాయి. రెమ్యూనరేషన్ పెంచి ఎలాంటి సినిమాలు పడితే అలాంటి సినిమాలు చేయడం ఆమెకు నచ్చదు. స్కిన్ షోకు కూడా చాలా దూరంగా ఉంటుంది.
ఇంత సింపుల్ గా ఉండే ఈ అమ్మాయి జీవితంలో నిజంగా లవ్ అనేది ఉందా అనే విషయం తెలుసుకోవాలని అనిపించింది ఓ యాంకర్ కి. వెంటనే సాయి పల్లవిని ప్రేమ,పెళ్లి గురించి అడిగేసింది. దానికి సమాధానంగా సాయి పల్లవి.. "తన వరకూ పెళ్లి చేసుకోవడం ఇష్టం లేదని.. కానీ ఆ బంధాన్ని ఎప్పుడూ గౌరవిస్తానని, అలాగే ప్రేమ పెళ్లి అయితే ఇంకా బాగుంటుందని తన అభిప్రాయం చెప్పుకొచ్చింది. అంతేకాదు ఏడవ తరగతి చదువుతున్నప్పుడే ఓ కుర్రాడిని చాలా సీరియస్ గా లవ్ చేసిందట. తొలి చూపులోనే అతనిపై అభిమానం, ప్రేమ ఏర్పడ్డాయట. మనసులో ఉన్న ఇష్టాన్ని నోటితో చెప్పలేక లవ్ లెటర్ కూడా రాసిందంట. కానీ ఆ లెటర్ ఇవ్వడానికి భయమేసి తన పుస్తకంలోనే దాచుకుందట.
తీరా ఆ లెటర్ కాస్త సాయి పల్లవి వాళ్ళ అమ్మ చూసి బాగా కొట్టిందట. అయితే అలా కొట్టడం కూడా అదే మొదటిసారి..చివరి సారి కూడా అని చెప్పుకొచ్చింది సాయి పల్లవి. ఈ విషయం తెలుసుకున్న చాలా మంది ఫ్యాన్స్ సాయి పల్లవి అంటే సైలెంట్ అనుకున్నాం కానీ ఫాస్టే అంటూ కామెంట్స్ చేస్తున్నారు. ఇక సాయి పల్లవి చేసిన ఈ కామెంట్స్ సోషల్ మీడియాలో వైరల్ గా మారాయి.
