రాబోయే తన సినిమా ‘కిసీ కా భాయ్ కిసీ కీ జాన్’కు సంబంధించి బాలీవుడ్ స్టార్ సల్మాన్ ఖాన్ ఆసక్తికర అప్ డేట్ ను విడుదల చేశారు. షూటింగ్ సెట్స్ నుంచి ఒక చక్కటి ఫొటోను ఆయన ఇన్ స్టాగ్రామ్ లో పోస్ట్ చేశారు. ఈ ఫొటోలో సల్మాన్ ఖాన్ పొడవాటి జుట్టుతో ఒక ప్రింటెండ్ జాకెట్ ధరించి మెరిసిపోతూ కనిపిస్తారు. “మూవీ షూటింగ్ పూర్తయింది. కిసీ కా భాయ్ కిసీ కీ జాన్ సినిమా 2023 ఈద్ సమయానికి విడుదలవుతుంది”అని ఈ ఫొటోకు సల్మాన్ ఖాన్ క్యాప్షన్ పెట్టారు.
ఈ సినిమాకు ఫర్హాద్ సామ్జి డైరెక్టర్ గా వ్యవహరిస్తుండగా.. సల్మాన్ ఖాన్ ఫిల్మ్స్ సంస్థ దీన్ని ప్రొడ్యూస్ చేస్తోంది. ఈ సినిమాలో పూజా హెగ్డే, వెంకటేశ్ దగ్గుబాటి, షెహనాజ్ గిల్, పాలక్ తివారీ, విజేందర్ సింగ్ వంటి ప్రముఖ నటులు కూడా యాక్ట్ చేస్తున్నారు. సల్మాన్ ఖాన్ తదుపరి మూవీ ప్రాజెక్టుల జాబితాలో కిక్2, టైగర్ 2 ఉన్నాయి. ప్రస్తుతానికి బిగ్ బాస్ 16 షోతో సల్మాన్ బిజీగా ఉన్నారు.
