టాలీవుడ్ హీరో నాగ చైతన్య, సినీ నటి సమంత అసలు ఎందుకు విడిపోయారు. ఏమైంది ..వారిద్దరూ విడాకులు తీసుకోవడానికి కారణాలేంటీ అన్న వార్తలు మొన్నటివరకూ ఓ ప్రశ్నల్లానే మిగిలాయి. తాజాగా ఈ విషయంపై సామ్ క్లారిటీ ఇచ్చారు. తన తప్పేం లేదని, తన సైడ్ నుంచి 100శాతం ఇచ్చినా.. వర్కవుట్ కాలేదని తేల్చి చెప్పారు. మొదటి సారి తమ విడాకులపై సామ్ స్పందించడంతో ఈ కామెంట్స్ ప్రస్తుతం సోషల్ మీడియాలో వైరల్ గా మారాయి.
గుణ శేఖర్ దర్శకత్వంలో సమంత ప్రధాన పాత్రలో నటించిన శాకుంతలం ఏప్రిల్ 14 ప్రపంచవ్యాప్తంగా పలు భాషల్లో రిలీజ్ కానుంది. ఈ నేపథ్యంలో ఇప్పటికే మూవీ ప్రమోషన్స్ మూవీ టీం ప్రారంభించింది. అందులో భాగంగా సమంత ఓ ఇంటర్వ్యూలో పాల్గొ్న్నారు. మొదటిసారి తన వైవాహిక జీవితం గురించి పెదవి విప్పారు. తన వైవాహిక బంధంలో పూర్తి నిజాయతీగా ఉన్నానుని, తన సైడ్ నుంచి ఎలాంటి తప్పులేదు, చిన్న పొరపాటు కూడా లేదని సమంత స్పష్టం చేశారు. ఆ బంధం వర్కౌట్‌ కాలేదన్నారు. తమ వైవాహిక బంధానికి స్వస్తి పలికిన కొంతకాలానికే తనకు అల్లు అర్జున్ పుష్ప సినిమాలో ఊ అంటావ పాట ఆఫర్‌ వచ్చిందన్న సమంత.. మొదట తాను సుకుమార్ గారికి నో అనే చెప్పానని, కానీ ఆ తర్వాత ఆలోచించి ఓకే చెప్పానన్నారు.
అయినా తానేం తప్పు చేయనప్పుడు ఎందుకు ఇంట్లో ఉండాలి.? అందుకే ఆ పాట చేశానని సామ్ తేల్చి చెప్పేశారు. ఊ అంటావా పాటను అనౌన్స్‌ చేసినప్పుడు కుటుంబసభ్యులు, తెలిసినవాళ్లు తనకు ఫోన్లు చేసి తిట్టారన్నారు. నువ్వు ఇంట్లో కూర్చో చాలు... విడిపోయిన వెంటనే నువ్వు ఇలా ఐటెమ్‌ సాంగ్స్‌ చేస్తే అస్సలు బాగోదు అంటూ ఉచిత సలహాలు ఇచ్చారని చెప్పారు. తమ- వైవాహిక బంధంలో 100 శాతం నిజాయతీగా ఉన్నానన్న సామ్.. తానేదో నేరం చేసిన దాన్నిలాగా ఎందుకు దాక్కోవాలి అని ప్రశ్నించారు. అందుకే ఆ పాట చేశానని వివరించారు.
