- 10 నుంచి 16 వరకు.. సంక్రాంతి సెలవులు
- కనుమ రోజు స్కూళ్లకు హాలిడే
- సవరణ ఉత్తర్వులు జారీ చేసిన స్కూల్ ఎడ్యుకేషన్ డైరెక్టర్
హైదరాబాద్, వెలుగు: రాష్ట్రంలోని స్కూళ్లకు ఈ నెల 10 నుంచి 16వ తేదీ వరకు సంక్రాంతి సెలవులు ఉంటాయని స్కూల్ ఎడ్యుకేషన్ డైరెక్టర్ డాక్టర్ నవీన్ నికోలస్ సోమవారం ప్రకటించారు. గతంలో స్కూల్ ఎడ్యుకేషన్ అకడమిక్ క్యాలెండర్లో 11 నుంచి 15 వరకు సంక్రాంతి సెలవులు ఉంటాయని తెలిపారు. అయితే, ఇటీవల ప్రభుత్వం రిలీజ్ చేసిన హాలిడేస్ లిస్టులో 16న కనుమ సందర్భంగా సెలవు ఇచ్చారు.
ఈ నేపథ్యంలో ప్రభుత్వం సెలవుల లిస్టు ప్రకటించి వారం రోజులైనా విద్యాశాఖ అధికారులు స్పందించలేదు. దీంతో గత నెల 27న ‘సంక్రాంతి సెలవులపై సందిగ్ధం’ హెడ్డింగ్ తో వెలుగులో కథనం ప్రచురితమైంది. దీనికి స్పందించిన అధికారులు.. ఈ నెల 16న కనుమరోజు కూడా సెలవు ఇవ్వాలని సర్కారుకు ప్రతిపాదనలు పంపించగా, ప్రభుత్వం దానికి ఆమోదం తెలిపింది.
ఈ నేపథ్యంలో సోమవారం సంక్రాంతి హాలీడేస్ రివైజ్డ్ డేట్లను స్కూల్ ఎడ్యుకేషన్ డైరెక్టర్ నవీన్ నికోలస్ ప్రకటించారు. ఈనెల 10 నుంచి 16 వరకు అన్ని స్కూళ్లకు సెలవులు ఇస్తున్నట్టు తెలిపారు. ఈనెల 17న స్కూళ్లు రీఓపెన్ అవుతాయని పేర్కొన్నారు.
