- ‘ఇదే డల్లాస్ రోడ్’ టీఆర్ఎస్ సర్కార్పై యాప్రాల్ వాసి సెటైర్
హైదరాబాద్, వెలుగు: జీహెచ్ఎంసీ ఎన్నికలప్పుడు చర్చకు వచ్చిన నేరెడ్మెట్ డివిజన్లోని యాప్రాల్ రోడ్ల వ్యవహారం ఆదివారం సోషల్ మీడియాలో వైరల్ అయ్యింది. గ్రాడ్యుయేట్ ఎమ్మెల్సీ ఎన్నికల సందర్భంగా ఓ స్థానికుడు డ్యామేజ్ రోడ్ల ఫొటోలు, వీడియో ఒకటి ట్విట్టర్, యూట్యూబ్లో పోస్ట్చేశాడు. ‘డల్లాస్ సిటీ కావాలంటే మరోసారి టీఆర్ఎస్ పార్టీకి ఓటేయాలంటూ సెటైర్ వేశాడు.ఈ రోడ్లపై గర్భవతులు ప్రయాణిస్తే.. ఫ్రీగా డెలివరీ అవుతుందని, సీఎం కేసీఆర్, మంత్రి కేటీఆర్, ఎమ్మెల్యే మైనంపల్లి హన్మంతరావు యాప్రాల్లో తీర్చిదిద్దిన డల్లాస్ ఇదేనని అందులో చెప్పాడు.’ గ్రేటర్ ఎన్నికలప్పుడు ప్రచారానికి వచ్చిన స్థానిక ఎమ్మెల్యే మైనంపల్లిని స్థానికులు నిలదీశారు. నో రోడ్.. నో ఓట్అంటూ ఆందోళన వ్యక్తం చేశారు. ఆ సందర్భంగా ఎలక్షన్ అయ్యాక తన సొంత ఖర్చులతో రోడ్డు వేయిస్తానని హామీ ఇచ్చాడు. చెప్పి 3 నెలలైనా ఇంతవరకు పట్టించుకోకపోవడంతో స్థానికుడు ఇలా చేశాడు.
