ఎల్ఐసీ హౌసింగ్ ఫైనాన్స్ లిమిటెడ్ (ఎల్ఐసీ హెచ్ఎఫ్ఎల్) దేశవ్యాప్తంగా వివిధ ప్రాంతాల్లో అప్రెంటిస్ పోస్టుల భర్తీకి నోటిఫికేషన్ విడుదల చేసింది. ఇందుకు సంబంధించిన ఆన్లైన్ దరఖాస్తు ప్రక్రియ అక్టోబర్ 20న ప్రారంభమైంది. అర్హులైన అభ్యర్థులు నవంబర్ 1 వరకు అప్లై చేసుకోవచ్చు.
పోస్టు పేరు: అప్రెంటిస్.
మొత్తం ఖాళీలు: 232.
విద్యార్హత
అభ్యర్థులు 2026, అక్టోబర్ 1 నాటికి గుర్తింపు పొందిన విశ్వవిద్యాలయం నుంచి డిగ్రీ పూర్తిచేసి ఉండాలి. అయితే, ఈ డిగ్రీ 2001, అక్టోబర్ 1 కంటే ముందు పూర్తిచేసి ఉండకూడదు. అభ్యర్థులు ఇంతకుముందు ఏ ఇతర సంస్థలోనైనా రన్నింగ్, టెర్మినేటెడ్ లేదా పూర్తయిన అప్రెంటిస్‌షిప్ కాంట్రాక్టును కలిగి ఉండకూడదు.
వయసు: 2026, అక్టోబర్ 1 నాటికి 20 నుంచి 25 ఏళ్ల మధ్యలో ఉండాలి.
అప్లికేషన్: ఆన్లైన్ ద్వారా.
అప్లికేషన్ ఫీజు: ఎస్సీ/ ఎస్టీ, పీడబ్ల్యూబీడీ అభ్యర్థులు రూ.200, జనరల్, ఈడబ్ల్యూఎస్, ఓబీసీ పురుష అభ్యర్థులు రూ. 800, జనరల్, ఈడబ్ల్యూఎస్, ఓబీసీ మహిళా అభ్యర్థులు రూ.600 చెల్లించాలి.
లాస్ట్ డేట్: నవంబర్ 1.
ఎంట్రెన్స్ ఎగ్జామ్ తేదీ: నవంబర్ 7.
ఇంటర్వ్యూ: నవంబర్ 15.
సెలెక్షన్ ప్రాసెస్: రాత పరీక్ష, డాక్యుమెంట్ వెరిఫికేషన్, ఇంటర్వ్యూ ఆధారంగా అభ్యర్థులను ఎంపిక చేస్తారు.
మరిన్ని వివరాలకు వెబ్సైట్ nats.education.gov.inను సందర్శించండి.
ఎగ్జామ్ ప్యాటర్న్
ప్రశ్నలు మల్టిపుల్ చాయిస్ రూపంలో ఇస్తారు. ఈ ఎగ్జామ్ ఇంటి వద్ద నుంచే స్మార్ట్ఫోన్ లేదా కెమెరా సదుపాయం ఉన్న డివైజ్ ద్వారా రాసే విధంగా రిమోట్-ప్రొటోర్డ్ పద్ధతిలో నిర్వహిస్తారు. మొత్తం 100 ప్రశ్నలు ఇస్తారు. ప్రతి ప్రశ్నకు 1 మార్కు. 60 నిమిషాల్లో పూర్తిచేయాల్సి ఉంటుంది. ఈ పరీక్షలో మొత్తం 4 భాగాలు ఉంటాయి. ప్రతి సెక్షన్ నుంచి 25 ప్రశ్నల చొప్పున మొత్తం 100 ప్రశ్నలు వస్తాయి.
