హైదరాబాద్, వెలుగు : హైదరాబాద్తో పాటు రాష్ట్రంలోని పలు జిల్లాల్లో గురువారం తేలికపాటి వర్షాలు కురిశాయి. సిటీలో చిన్న వర్షానికే పలు ప్రాంతాల్లో రోడ్లపై నీళ్లు నిలిచాయి. అత్యధికంగా యాదాద్రి జిల్లా నందనం, జనగామ జిల్లా పడమటి కేశవాపూర్లలో 1.1 సెంటీమీటర్ల వర్షం కురిసింది.
సిటీలోని అల్కాపురి, చార్మినార్, బండ్లగూడతోపాటు నాగర్కర్నూల్ జిల్లా పాలెంలో ఒక సెంటీమీటర్ చొప్పున వర్షపాతం నమోదైంది. ఆదిలాబాద్, నిజామాబాద్, పెద్దపల్లి, జయశంకర్భూపాలపల్లి, వనపర్తి, వికారాబాద్, సిద్దిపేట, మెదక్, జోగులాంబ గద్వాల జిల్లాల్లోనూ పలు చోట్ల ఒక సెంటీమీటర్లోపే వర్షం కురిసింది.
