ముంబై ఆర్థర్ రోడ్డు జైలులో ఉన్న తన కొడుకు ఆర్యన్ ఖాన్ ను చూసేందుకు వచ్చారు బాలీవుడ్ యాక్టర్ షారూఖ్ ఖాన్. కరోనా తర్వాత జైల్ విజిట్ రూల్స్ ను నిన్న సడలించింది మహారాష్ట్ర సర్కార్. దీంతో ఇవాళ ఆర్యన్ ను కలిసేందుకు వచ్చారు షారూఖ్. క్రూయిజ్ లో డ్రగ్స్ దొరికిన కేసులో అక్టోబర్ 3న అరెస్టయ్యాడు ఆర్యన్ ఖాన్. ఆర్యన్ ఖాన్‌కు ముంబై స్పెషల్ కోర్టు మరోసారి నిరాశనే మిగిల్చింది. ఈ సారి బెయిల్ వస్తుందనుకున్న ఆర్యన్ ఆశలపై నీళ్లు జల్లింది. మూడోసారి కూడా ఆర్యన్‌కు బెయిల్ తిరస్కరించింది. దీంతో ఆర్యన్ తరఫు న్యాయవాది ముంబై హైకోర్టును ఆశ్రయించనున్నారు. ఈ రోజు సింగిల్ బెంచ్ ముందు ఆర్యన్ బెయిల్ పిటిషన్ విచారణకు రానుంది. మరి, హైకోర్టులో ఎలాంటి తీర్పు వస్తుందో చూడాలి. ఆర్యన్ కు బెయిల్ నిరాకరిస్తూ ముంబై స్పెషల్ కోర్టు ఆసక్తికర వ్యాఖ్యలు చేసింది. ఐదు అంశాలను పరిగణనలోకి తీసుకుని ఆర్యన్‌కు బెయిల్ నిరాకరించింది. ఆర్యన్ ఖాన్ బెయిల్ పిటిషన్ ను ఇప్పటికే స్థానిక కోర్టు రెండు సార్లు తిరస్కరించింది.
